अहमदाबादमध्ये पार पडलेल्या भारत आणि इंग्लंड यांच्यातील ५ सामन्यांच्या टी-२० मालिकेत भारतीय संघाने बाजी मारत इंग्लंड संघावर ३-२ ने विजय मिळवला आहे. टी-२० मालिका संपल्यानंतर आता भारतीय संघासमोर एकदिवसीय मालिकेचे आव्हान असणार आहे. यासाठी भारतीय संघाने पुण्यामध्ये हजेरी लावली आहे. अशातच भारताचा कर्णधार विराट कोहलीचा एक फोटो सोशल मीडियावर प्रचंड व्हायरल होत आहे.
टी-२० आणि कसोटी मालिकेत इंग्लंड संघाला धूळ चारल्यानंतर भारतीय संघ ३ सामन्यांची एकदिवसीय मालिका खेळणार आहे. हे सामने २३, २६ अजी २८ मार्च रोजी खेळवण्यात येणार आहे. या सामन्यांसाठी भारतीय संघातील खेळाडूंनी आपल्या कुटुंबासोबत पुण्यात हजेरी लावली आहे. अशातच कोहलीसोबत त्याची पत्नी अनुष्का शर्मा आणि मुलगी वामिका देखील सामना पाहायला पुण्यात दाखल झाल्या आहेत. यावेळचा कोहली कुटुंबाचा विमानतळावरील एक फोटो सोशल मीडियावर प्रचंड व्हायरल होत आहे.
टी -२० मालिकेत विराटची जबरदस्त कामगिरी
भारतीय संघाला टी-२० मालिका जिंकवून देण्यात विराटने महत्वाची भूमिका बजावली आहे. ज्यावेळी संघातील मुख्य फलंदाज धावा करण्यास अपयशी ठरत होते, त्यावेळी तो युवा खेळाडूंसोबत मिळून सामना पुढे घेऊन जायचे काम करत होता. त्याने या मालिकेत ३ वेळेस ७० पेक्षा अधिक धावा केल्या आहेत. तसेच त्याने ५ टी -२० सामन्यात सर्वाधिक २३१ धावा केल्या आहेत. त्यामुळे चाहत्यांना एक दिवसीय मालिकेतदेखील विराटकडून चांगल्या कामगिरीची अपेक्षा असणार आहे.
https://www.instagram.com/p/CMrwMgpAoY_/?utm_source=ig_web_button_share_sheet
असा आहे एकदिवसीय मालिकेसाठी भारतीय संघ
विराट कोहली (कर्णधार), रोहित शर्मा (उपकर्णधार), शिखर धवन, शुबमन गिल, श्रेयस अय्यर,सूर्यकुमार यादव, हार्दिक पंड्या, रिषभ पंत (यष्टीरक्षक), केएल राहुल (यष्टीरक्षक), युझवेंद्र चहल, कृणाल पंड्या, कुलदीप यादव, वॉशिंग्टन सुंदर, टी नटराजन, भुवनेश्वर कुमार, मोहम्मद सिराज, प्रसिद्ध कृष्णा, शार्दुल ठाकूर
महत्त्वाच्या बातम्या-
वनडेत इंग्लंडविरुद्ध ‘या’ भारतीय दिग्गजाने घातलाय धावांचा रतीब, विराट-रोहित आहेत खूपच दूर
एकीकडे विजयाचा जल्लोष तर दुसरीकडे शिक्षा; ‘या’ कारणामुळे आयसीसीने भारतावर ठोठावला दंड
