रविवारी (5 नोव्हेंबर) रोजी भारत आणि दक्षिण आफ्रिका यांच्यात झालेल्या सामन्यात भारताने दक्षिण आफ्रिकेला 243 धावांनी पराभूत केले. या सामन्यात प्रथम फलंदाजी करताना भारताने 5 विकेट्स गमावून 326 धावा केल्या होत्या. प्रत्युत्तरात दक्षिण आफ्रिका संघ अवघ्या 83 धावांवर सर्वबाद झाला. भारताचा विश्वचषक 2023 मधील हा सलग आठवा विजय आहे.
विराट कोहली (Virat Kohli) याच्यासाठी भारत विरूद्ध दक्षिण आफ्रिका सामना विशेष राहिला, कारण त्याने या सामन्यात आपल्या आंतरराष्ट्रीय कारकिर्दीतील ४९वे शतक झळकावले आहे. त्याने हा कारनामा करत सचिन तेंडुलकर (Sachin Tendulkar) याच्या वनडे शतकांची बरोबरी केली आहे. त्याच्यावर विविध माध्यामांतून प्रतिक्रिया येत आहेत, त्यातच एक प्रतिक्रिया सर्वांचे लक्ष वेधत आहे, ती म्हणजे सीमा हैदर (Seema Haider). आपल्या प्रियकराला भेटण्यासाठी पाकिस्तानातून भारतात आलेली सीमा हैदर आता सचिनसोबत ग्रेटर नोएडामध्ये आरामात राहत आहे. सीमा हैदरने एका मुलाखतीदरम्यान सांगितले की, आता नवीन घर बांधल्यानंतर ती एका खास पाहुण्याची वाट पाहत आहे.
याविषयी सीमा हैदरने सांगितले की, तिला विराट कोहली खूप आवडतो आणि त्याचा फोटो तिच्या खोलीत ती ठेवते. ती त्याला भेटण्याची वाट पाहत आहे. सीमाला जेव्हा विचारण्यात आले की ती खोलीत विराट कोहलीला पाहत राहते, तेव्हा सचिनला त्याचा राग येतो का?. यावर सीमा हैदरने उत्तर दिले की, सचिन हे तिचे आयुष्य आहे तर तिला विराट कोहली आवडतो. यादरम्यान सीमा हैदरने एक खास कॉफी मग दाखवला ज्यावर विराट कोहलीचा फोटो छापलेला आहे. तर सीमा हैदरने सांगितले की, एवढेच नाही तर तिचा नवरा सचिनही विराट कोहली पसंत करतो. (Virat photo day and night Seema Haider eye-catching reaction after Virat’s century)
म्हत्वाच्या बातम्या
सेमीफायनलमधून बाहेर पडलेल्या बांगलादेशने दिल्लीत जिंकला टॉस, लंकेने केले 2 तगडे बदल; पाहा Playing XI
