भारतीय क्रिकेट संघाचा माजी कर्णधार विराट कोहली जगभरात लोकप्रिय आहे. त्याच्या नावाचा डंका भारतामध्येच नाही, तर जगभरात वाजतो. त्याने आतापर्यंत क्रिकेटविश्वातील मोठमोठे विक्रम नावावर केले आहेत. याच कारणास्तव क्रिकेट नियमितपणे फॉलो न करणाऱ्यांचा विराट आवडता खेळाडू आहे. असे असले तरी, ब्राजीलचा फुटबॉल संघाचा माजी चॅम्पियन कर्णधार रोनाल्डो विराटला ओळखत नाही.
भारतीय संघाचा स्टार फलंदाज विराट कोहली (Virat Kohli) याने 2008 साली आंतरराष्ट्रीय क्रिकेटमधील पहिला सामना खेळला. मागच्या 15 वर्षांमध्ये त्याने आंतरराष्ट्रीय क्रिकेटमधील महान फलंदाजांमध्ये विराट याने आपले स्थान पक्के केले. क्रिकेटविश्वातील सर्वात लोकप्रिय खेळाडू अशी ओळख त्याने मागच्या काही वर्षांमध्ये बनवली. सध्या तो एक ग्लोबल आयकॉन आहे. असे असले तरी, विराटला न ओळखणारे अनेकजण अजूनही आहेत. ब्राजील फुटबॉल संघाचा माजी कर्णधार रोनाल्डो (Ronaldo) हादेखील त्यापैकीच एक आहे. सोशल मीडिया इन्फ्लुएन्सर स्पीड (Speed) आणि रोनाल्डोचा हा व्हिडिओ सध्या सोशल मीडियावर व्हायरल होत आहे.
स्पीड एक सुप्रसिद्ध युट्युबर असून अलिकडच्या काळात विराटचा मोठा चाहता देखील बनला आहे. वनडे विश्वचषक 2023 साठी त्याने भारत दौरा केला होता. भारतात आल्यानंतर स्पीडला विराटच्या लोकप्रियतेचा अंदाज आला आणि त्याच्यावर भारतीय फलंदाजाचा चांगलाच प्रभाव पडला. आता स्पीड स्वतःला विराटचा चाहता म्हणून मिरवतो. त्याने नुकत्याच शेअर केलेल्या व्हिडिओत तो रोनाल्डोला विराट कोहलीविषयी प्रश्न विचारतो. त्यावर रोनाल्डला ‘विराट’ हे नाव अनोळखी वाटते. पण माजी फुटबॉलपटू विराटचा फोटो पाहिल्यानंतर त्याला ओळखतो.
व्हायरल व्हिडिओत स्पीट रोनाल्डोला विचारतो की, “तुला विराट कोहली माहित आहे?” त्यावर रोनाल्ड एका क्षणासाठी विचारत पडतो आणि “नाही” म्हणतो. त्यावर स्पीड “भारताचा विराट कोहली…” असे म्हणतो. असे बोलताना त्याला एकप्रकारे धक्का बसल्याचे दिसते. रोनाल्डो स्पीडची प्रतिक्रिया पाहून म्हणाला, “तो काय करतो, खेळाडू आहे का?” स्पीड यावर होकारार्थी उत्तर देतो. रोनाल्ड यावर पुडे असेही म्हणाला की, “तो (विराट) इथे जास्त लोकप्रिय नाहीये.”
— V (@CricKeeda18) January 10, 2024
एवढ्या संवादानंतर स्पीडला विराटची ओळख करून देण्याचा मोह आवरत नाही. तो झटकन आपल्या मोबाईलमधील विराटचा फोटो शोधतो आणि रोनाल्डोला दाखवतो. विशेष म्हणजे फोटो पाहताक्षणी रोनाल्डोनेही विराटला ओळखले आणि त्याची लोकप्रियता मान्य केली. यावेळी स्पीडची रिएक्शन पाहण्यासारखी असते.
दरम्यान, नुकत्याच एका रिपोर्टमध्ये असे समोर आले की, विराट जगातील तिसरा सर्वात लोकप्रिय खेळाडू आहे. यादीत पहिल्या क्रमांकावर पोर्तुगालचा स्टार फुटबॉलपटू क्रिस्टियानो रोनाल्डो आहे. तर दुसऱ्या क्रमांकावर अर्जेंटिनाचा कर्णधार लिओनल मेसी आहे. विराट यावेळी लोकप्रिय खेळाडूंच्या यादीत तिसऱ्या क्रमांकावर आहे. (Former Brazil football captain Ronaldo does not know Virat Kohli)
महत्वाच्या बातम्या –
“भारताच्या वनडे आणि टी20 संघात ‘हा’ खेळाडू खूप महत्त्वाचा”, युवा फलंदाजाबद्दल माजी क्रिकेटपटूचं विधान
‘माझ्या एंट्रीला तेच गाणं वाजवा’, क्रिकेटरने केली होती डीजेकडे अजब मागणी
