Team India Jersey Sponsor: भारतीय संसदेत ऑनलाइन गेमिंग विधेयक मंजूर झाल्यानंतर ड्रीम11 ला भारतीय क्रिकेट नियामक मंडळासोबतचा (BCCI) आपला करार संपुष्टात आणावा लागला होता. आशिया चषक 2025 जवळ येत असल्यामुळे बीसीसीआयवर दबाव वाढत आहे. याच दरम्यान, एनडीटीव्हीने एक अहवाल जारी केला आहे की बोर्ड 2025-2028 या कालावधीसाठी नवीन स्पॉन्सर आणण्याचा विचार करत आहे. ही नवीन स्पाॅन्सरची डील अंदाजे 452 कोटी रुपयांची असू शकते असे सांगितले जात आहे. (BCCI sponsorship deal 452 crore)
ड्रीम11 ने 2023 मध्ये बीसीसीआयसोबत अंदाजे 358 कोटी रुपयांच्या करारावर स्वाक्षरी केली होती. परंतु, नवीन ऑनलाइन गेमिंग विधेयकामुळे ड्रीम11 ला एक वर्षापूर्वीच करार संपुष्टात आणावा लागला. (Online gaming bill India cricket impact)
एनडीटीव्हीच्या सूत्रांनी दिलेल्या माहितीनुसार, बीसीसीआय 2025 ते 2028 या कालावधीसाठी नवीन प्रायोजक शोधत आहे. या काळात टीम इंडिया सुमारे 140 सामने खेळणार आहे. जर हा करार झाला, तर तो पैशांच्या बाबतीत ड्रीम11 पेक्षा खूप चांगला असेल. ही स्पाॅन्सरशिप फक्त देशांतर्गत आणि परदेशातील सामन्यांसाठीच नाही, तर आशियाई क्रिकेट परिषद (ACC) आणि आंतरराष्ट्रीय क्रिकेट परिषद (ICC) द्वारे आयोजित बहु-राष्ट्रीय स्पर्धांसाठीही लागू होईल. (India cricket jersey new sponsor)
बीसीसीआयने प्रत्येक द्विपक्षीय सामन्यासाठी 3.5 कोटी रुपये, तर आयसीसी आणि एसीसी स्पर्धांमधील प्रत्येक सामन्यासाठी 1.5 कोटी रुपयांचे लक्ष्य ठेवले आहे. ही रक्कम ड्रीम11 च्या करारापेक्षा जास्त असेल, परंतु Byju’s करारापेक्षा कमी असेल. (ICC ACC matches BCCI sponsorship)
आशिया चषकाचा विचार करता, बीसीसीआय त्याआधीच नवीन स्पाॅन्सरचे नाव निश्चित करू इच्छिते, परंतु वेळेअभावी आशिया चषकापूर्वी टीम इंडियाच्या जर्सीला नवीन स्पाॅन्सर मिळण्याची शक्यता कमी आहे. मात्र, महिला वनडे विश्वचषक 2025 पूर्वी हा करार निश्चित केला जाऊ शकतो. (Women’s World Cup 2025 BCCI deal)
