अहमदनगर, मुंबई शहर व कोल्हापूर संघाचा सलग दुसरा विजय

क्रांतीज्योत महिला प्रतिष्ठान युवा कबड्डी सिरीजच्या प्रमोशन फेरीच्या दुसऱ्या दिवशी कोल्हापूर ताडोबा टायगर्स, अहमदनगर पेरियार पँथर्स, मुंबई शहर मौर्य मेवरीक्स व पुणे पलानी टस्कर्स संघांनी प्रतिस्पर्धी संघांना पराभूत केले. पहिला दिवशी विजयी झालेल्या अहमदनगर, मुंबई शहर व कोल्हापूर या संघांनी आज दुसरा विजय मिळवला.

कोल्हापूर ताडोबा टायगर्स या संघाने अतिशय अटीतटीच्या झालेल्या सामन्यात मुंबई उपनगर मुर्थाल मॅग्नेट्स संघाचा 37-35 असा विजय मिळवला. सदर सामन्यात मध्यांतरला कोल्हापूर संघाकडे 18-16 अशी आघाडी होती. मध्यांतरा नंतर दोन्ही संघ गुण मिळवत असल्याने कोणत्याही संघाला मोठी आघाडी घेता येत नव्हती. शेवटच्या मिनिटाला 36-32 अशी आघाडी कोल्हापूर कडे असताना मुंबई उपनगरचा चढाईपटू भारत खारगुटकर व बचावफळीने चांगला खेळ करत संघाला गुण मिळवून दिले मात्र मुंबई उपनगर संघाला 35-37 असा अवघ्या 2 गुणांनी पराभव स्वीकारावा लागला.

अहमदनगर पेरियार पँथर्स संघाने नांदेड चांबल चॅलेंजर्स संघाला 51-42 असे नमवत दुसरा विजय मिळवला. अहमदनगर संघाने मध्यांतरला 26-18 अशी आघाडी घेतली होती. आदित्य शिंदे व प्रफुल झवारे यांच्या सुपर टेन कामगिरी ने अहमदनगर संघाने सामना सहज जिंकला. तर आजच्या तिसऱ्या सामन्यात मुंबई शहर मौर्य मेवरीक्स संघाने नाशिक द्वारका डिफेंडर्स संघावर 51-34 असा विजय मिळवला. सुरुवातीला सामना अत्यंत चुरशीचा सुरू होता मात्र मुंबईच्या शार्दूल पाटील व जतिन विंदे यांच्या चतुरस्त्र चढायांनी सामना एकतर्फी केला.

पुणे पलानी टस्कर्स विरुद्ध ठणे हम्पी हिरोज यांच्यात झालेल्या शेवटच्या सामन्यात पुणे संघाने 36-30 असा प्रमोशन फेरीत पहिला विजय मिळवला. पुणे कडून पृथ्वीराज शिंदे ने अष्टपैलू खेळ करत महत्वाची भूमिका निभावली. त्याला आर्यन राठोड ने चांगली साथ दिली. तर ठाणे कडून मंगेश सोनावणे ने एकाकी झुंज दिली. (Ahmednagar, Mumbai city and Kolhapur team’s second win in a row)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
प्रमोशन फेरीत मुंबई उपनगर मुर्थाल मॅग्नेट्स संघानं उघडलं विजयाचं खातं
प्रमोशन फेरीतही अहमदनगर पेरियार पँथर्स संघाचा झंझावात सुरूच