रोहितबरोबर केएल राहुल नाही, तर ‘या’ खेळाडूने करावी कसोटीत ओपनिंग, दिग्गजाचा सल्ला

भारत आणि श्रीलंका (India vs Sri Lanka) यांच्यातील टी-२० मालिकेनंतर उभय संघांमध्ये दोन सामन्यांची कसोटी मालिका खेळली जाणार आहे. कसोटी मालिकेत कर्णधार रोहित शर्मा (Rohit Sharma) सोबत एक असा खेळाडू डावाची सुरुवात करू शकतो, ज्याचा खूप कमी लोकांना कल्पना असेल. या खेळाडूचे नावर प्रियांक पांचाल (Priyank Panchal) आहे. रोहितसोबत डावाची सुरुवात करण्यासाठी मयंक अगरवाल, शुबमन गिल आणि प्रियांक पांचाल या तिघांमध्ये शर्यत आहे. भारतीय संघाचे माजी प्रशिक्षक लालचंद राजपूत (Lalchand Rajput) राजपूत यांनी याविषयी सविस्तर स्पष्टीकरण दिले आहे.

श्रीलंकेविरुद्ध होणाऱ्या पहिल्या कसोटी सामन्यासाठी निवडल्या जाणाऱ्या प्लेइंग इलेव्हनविषयी लालचंद रजपूत म्हणाले की, “रोहित शर्मासोबत मयंक अगरवाल किंवा प्रियांक पांचाल सलामी करू शकतात. प्रियांक पांचालसोबत सलामी करण्यामागेच एक मोठे कारण हे आहे की, त्याने फक्त देशांतर्गत क्रिकेटमध्येच नाही, तर भारतीय ए संघासोबत दक्षिण अफ्रिका दौऱ्यातही त्याने चांगले प्रदर्शन केले होते.”

त्याव्यतिरिक्त श्रीलंकेविरुद्धची ही कसोटी मालिका मायदेशात खेळली जात असल्यामुळे भारतीय संघ प्रयोग करू शकतो, असेही लालचंद राजपूत पुढे बोलताना म्हणाले.

अलिकडे भारतासाठी नियमित सलामीवीर बनलेल्या केएल राहुलविषयी बोलताना लालचंद राजपूत म्हणाले की, केएल राहुल आतापर्यंत जरी सलामीवीराच्या रूपात खेळत आला असला, भविष्यात त्याला मध्यक्रमात उतरवले जाऊ शकते. अजिंक्य रहाणे आणि चेतेश्वर पुजाराला संघातून बाहेर केल्यामुळे मध्यक्रमात जागा तयार झाली आहे. म्हणजेच जर राहुल मध्यक्रमात आला, तर सलामीवीरासाठी संधी तयार होऊ शकते.