कॅनबेरा। भारतीय संघाचा सध्या ऑस्ट्रेलिया दौरा सुरु आहे. या दौऱ्यातील वनडे मालिका नुकतीच बुधवारी संपली. या वनडे मालिकेत ऑस्ट्रेलियाने २-१ असा विजय मिळवला. आता सर्वांना वेध लागले आहेत ते ऑस्ट्रेलिया आणि भारत संघात होणाऱ्या टी२० मालिकेचे.
ऑस्ट्रेलिया विरुद्ध भारत संघात ४ डिसेंबरपासून ३ सामन्यांची टी२० मालिका होणार आहे. या मालिकेतील पहिला सामना कॅनबेराच्या मनुका ओव्हल स्टेडियमवर होणार आहे. त्यानंतर या मालिकेतील दुसरा टी२० सामना ६ डिसेंबरला होणार आहे. या सामन्यासाठी भारतीय संघ सिडनी येथे जाईल. ८ डिसेंबरला टी२० मालिकेतील शेवटचा सामना खेळला जाईल. हा सामना सिडनीमध्येच होणार आहे. सर्व ३ टी२० सामन्यांना भारतीय प्रमाणवेळेनुसार दुपारी १.४० वाजता सुरुवात होणार आहे.
त्याचबरोबर या टी२० मालिकेदरम्यान ऑस्ट्रेलिया अ संघाविरुद्ध भारत अ संघाचा सिडनी येथेच ३ दिवसीय सराव सामना सुरु होणार आहे. हा सामना ६ ते ८ डिसेंबर दरम्यान होईल. तसेच या ३ दिवसीय सराव सामन्याला रोज पहाटे ५ वाजता सुरुवात होईल.
हा सराव सामना सिडनीमध्ये जरी होणार असला तरी हा सामना ड्रममोने ओव्हल या मैदानात होईल. तर ६ आणि ८ डिसेंबरला होणारे भारत-ऑस्ट्रेलियादरम्यानचे टी२० सामने सिडनी क्रिकेट ग्राऊंडवर होतील. या ३ दिवसीय सराव सामन्यात भारतीय कसोटी संघातील खेळाडू खेळणार आहेत.
असे आहे ऑस्ट्रेलिया विरुद्ध भारत संघातील टी२० मालिकेचे पूर्ण वेळापत्रक –
पहिला टी२०– ४ डिसेंबर कॅनबेरा, दुपारी १.४० वाजता (भारतीय प्रमाणवेळेनुसार)
दुसरा टी२० – ६ डिसेंबर, सिडनी, दुपारी १.४० वाजता (भारतीय प्रमाणवेळेनुसार)
तिसरा टी२० – ८ डिसेंबर, सिडनी, दुपारी १.४० वाजता (भारतीय प्रमाणवेळेनुसार)
सराव सामना – ४ ते ६ डिसेंबर, सिडनी, पहाटे ५ वाजता (भारतीय प्रमाणवेळेनुसार)
महत्त्वाच्या बातम्या –
अखेर चहलची ‘सिग्नेचर पोझ’ रवींद्र जडेजालाही करावीच लागली, पाहा व्हिडिओ
भारत-ऑस्ट्रेलिया टी20 सामन्यात मैदान गच्च भरणार, सरकारने घेतला ‘हा’ मोठा निर्णय
…म्हणून मिशेल स्टार्क भारताविरुद्ध तिसऱ्या वनडेत खेळला नाही, फिंचने केला खुलासा
ट्रेंडिंग लेख –
भारताकडून २०२० मध्ये सर्वाधिक बळी घेणारे ५ गोलंदाज; ‘हा’ स्टार खेळाडू चक्क चौथ्या स्थानावर
‘हीच’ ती ३ तीन कारणे, ज्यामुळे ऑस्ट्रेलियाला तिसर्या वनडेत भारताकडून पत्करावा लागला पराभव
