भारत आणि ऑस्ट्रेलिया यांच्यातील बॉर्डर-गावस्कर स्पर्धा नोव्हेंबरमध्ये होणार आहे. या मालिकेतील पहिला सामना 22 नोव्हेंबरपासून होणार आहे. बीसीसीआयने ऑस्ट्रेलिया दौऱ्यासाठी टीम इंडियाचा संघ जाहीर केला आहे. ऑस्ट्रेलियाही लवकरच आपला संघ जाहीर करेल. दरम्यान, ऑस्ट्रेलियन संघाने आपल्या योजनांमध्ये एका खेळाडूचा समावेश केला आहे. जो टीम इंडियाचा तणाव दुप्पट करू शकतो. हा खेळाडू दुसरा कोणी नसून जोस इंग्लिस आहे.
ऑस्ट्रेलियाचा स्टार खेळाडू डेव्हिड वॉर्नरने नुकतीच आंतरराष्ट्रीय क्रिकेटमधून निवृत्ती घेतली आहे. कसोटी फॉरमॅटमध्ये संघ त्याच्या बदलीच्या शोधात आहे. जोस इंग्लिस त्याचा शोध पूर्ण करू शकतो. याशिवाय ऑस्ट्रेलियाचाा मुख्य निवडकर्ता जॉर्ज बेलीनेही आपल्या वक्तव्यात भारताविरुद्ध फलंदाज म्हणून पदार्पण करण्याचे संकेत दिले आहेत. या मालिकेतील पहिला सामना पर्थ येथे होणार आहे. जर आपण ऑस्ट्रेलियाच्या कसोटी संघावर एक नजर टाकली तर संघात फक्त सलामीवीराचे स्थान रिकामे आहे.
सोमवारी (28 ऑक्टोबर) प्रसारमाध्यमांशी संवाद साधताना बेली म्हणाला की, जोस इंग्लिस सध्या खूप चांगल्या फॉर्ममध्ये आहे यात शंका नाही. इंग्लिस फलंदाज म्हणून ज्याप्रकारे कामगिरी करत आहे. ते पाहता तो वर्षभरात अनेक मालिकांमध्ये सहभागी होऊ शकतो. असे त्याला वाटते. तसेच या ठिकामी परफॉर्म करण्यासाठी तो सर्वात योग्य आहे. तर मला वाटते की त्याचा समावेश केला जाऊ शकतो.
इंग्लिशची कारकीर्द कशी झाली?
जोस इंग्लिसच्या कारकिर्दीवर एक नजर टाकली तर त्याने अनेक महत्त्वाच्या सामन्यांमध्ये ऑस्ट्रेलियाला विजय मिळवून दिला आहे. याशिवाय भारताविरुद्धही त्याचा चांगला फॉर्म आहे. अशा स्थितीत टीम इंडियासाठी तणाव दुप्पट करणारा हा मुद्दा आहे. इंग्लिसने ऑस्ट्रेलियासाठी एकदिवसीय आणि टी20 आंतरराष्ट्रीय क्रिकेटमध्ये पदार्पण केले आहे. इंग्लिशने 23 एकदिवसीय सामन्यांमध्ये 447 धावा केल्या आहेत. आंतरराष्ट्रीय टी20 मध्ये त्याने 26 सामन्यात 679 धावा केल्या आहेत. अशा स्थितीत टीम इंडिया त्याला हलके घेण्याची चूक करणार नाही.
हेही वाचा-
गॅरी कर्स्टनच्या अचानक राजीनाम्यानंतर केविन पीटरसनने पाकिस्तान बोर्डाला सुनावले, म्हणाला…
आधी संघातून बाहेर, मग केंद्रीय करारातूनही सुट्टी; ‘हा’ खेळाडू घेऊ शकतो निवृत्ती
गॅरी कर्स्टनच्या राजीनाम्याची ‘ईनसाइड स्टोरी’, पाकिस्तानच्या नव्या कर्णधाराशी कनेक्शन!
