आपली यारी! युवराजच्या ‘गोल्डन बूट’साठी विराटने मानले आभार; म्हणाला, ‘कँसरमधून…’

भारतीय संघाचा माजी अष्टपैलू युवराज सिंगने ‘किंग कोहली’ म्हणजेच विराट कोहलीसाठी एक भावुक पत्र लिहिले होते. या पोस्टमधून त्याने विराटच्या शानदार कारकिर्दीची प्रशंसा केली होती. अशातच आता भारतीय संघाचा माजी कर्णधार विराट कोहलीनेही आपल्या माजी वरिष्ठ खेळाडूला म्हणजेच युवराजला धन्यवाद दिला आहे.

मंगळवारी (२२ फेब्रुवारी) युवराजने (Yuvraj Singh) त्याच्या अधिकृत सोशल मीडिया अकाऊंटवरून विराट कोहलीवर (Virat Kohli) कौतुकाचा वर्षाव केला होता. त्याने आपल्या पोस्टमध्ये म्हटले होते की, “विराटच्या कारकिर्दीला शिखरावर पोहोचताना पाहिलं आहे.” युवराजने विराटच्या शिस्त आणि खेळाबद्दलच्या समर्पणासाठी त्याचे कौतुक केले होते.

युवराजची पोस्ट
युवराजने आपल्या भावुक पोस्टमध्ये लिहिले होते की, “दिल्लीच्या लहान मुलाला, ज्याने सर्वोत्तम बनण्याचं स्वप्न पाहिलं होतं. मी हा खास बूट तुला समर्पित करू इच्छितो. कर्णधार म्हणून तुझ्या सुवर्ण कारकिर्दीचे सेलिब्रेशन करत आहे, ज्याने जगभरातील लाखो चाहत्यांच्या चेहऱ्यावर हसू आणले. मला आशा आहे की, तू जसा आहेस, तसाच राहो, जसा खेळतोय, तसाच खेळ आणि देशाला अभिमान वाटावा असं काम करत राहा.” आपल्या पत्रात युवराज विराटला “तू माझ्यासाठी नेहमी चीकूच राहशील आणि जगासाठी किंग कोहली,” असेही म्हणाला होता.

To the little boy from Delhi @imvkohli
I want to dedicate this special shoe to you,celebrating your career n time as captain which has brought smiles to millions of fans all over the world.
I hope you stay the way YOU are, play the way YOU do and keep making the country proud! pic.twitter.com/mwVPPh0JwU

— Yuvraj Singh (@YUVSTRONG12) February 22, 2022