मुंबई । कोरोना व्हायरस संसर्गामुळे या वेळी आयपीएलचे वेगळे चित्र पाहायला मिळेल. चाहत्यांशिवाय मीडियालाही स्टेडियममध्ये प्रवेश मिळणार नाही. भारतीय क्रिकेट नियामक मंडळाने (बीसीसीआय) म्हटले आहे की, कोविड -19च्या साथीच्या पार्श्वभूमीवर कठोर आरोग्य सुरक्षा प्रोटोकॉलमुळे प्रसार माध्यमांना स्टेडियममध्ये येण्याची परवानगी देण्यात येणार नाही. याशिवाय सामन्यापूर्वी फ्रेंचायझींना पत्रकार परिषद घेण्याची गरज भासणार नाही. तथापि, प्रत्येक सामन्यानंतर व्हर्च्युअल प्रेस कॉन्फरन्स घेणे आवश्यक असेल.
बीसीसीआयने सांगितले की, ‘कोविड -19 च्या साथीमुळे ड्रीम 11 इंडियन प्रीमियर लीग 2020 हा संयुक्त अरब अमिरातीच्या (युएई) बंद स्टेडियममध्ये होणार आहे. हेल्थ अँड सेफ्टी प्रोटोकॉल दिल्यास, स्टेडियमच्या आत मीडिया कर्मचार्‍यांना सामना कव्हर करण्यास किंवा संघाच्या सराव सत्रासाठी परवानगी दिली जाणार नाही. तसेच, यावर्षी परिस्थिती पाहता, यूएई मीडियाशिवाय अन्य नवीन मीडियाची नोंद केली जाणार नाही.’
वर्चुअल पत्रकार परिषद
सध्या बीसीसीआयमध्ये नोंदणीकृत पत्रकारांना प्रत्येक सामन्यापूर्वी आणि नंतर प्रेस रीलीझ तसेच नियमित अपडेट मिळतील. तसेच सामन्यानंतर वर्चुअल पत्रकार परिषदमध्ये सामील होण्याची प्रक्रिया आणि सामन्याच्या दिवसांमध्ये संघाच्या प्रतिनिधींना प्रश्न पाठविण्याविषयी सुविधा असेल. निवेदनात पुढे म्हटले आहे की, ‘बीसीसीआय लीगमधील स्वारस्य पातळी समजून घेते, म्हणून प्रत्येक सामन्यानंतर माध्यमांना पत्रकार परिषदची सुविधा पुरविली जाईल.’
स्टेडियमच्या व्यवस्थेची पाहणी
इंडियन प्रीमियर लीगच्या 13 वा हंगाम सुरू होण्यापूर्वी शुक्रवारी बीसीसीआयचे सचिव जय शाह यांनी शारजा स्टेडियममध्ये झालेल्या व्यवस्थेची पाहणी केली व समाधान व्यक्त केले. आयपीएलचे 12 सामने शारजाह येथे होणार आहेत. या व्यतिरिक्त दुबई आणि अबूधाबी या दोन ठिकाणी सामने होणार आहेत. 22 सप्टेंबर रोजी शारजाह स्टेडियमवर पहिला सामना राजस्थान रॉयल्स आणि चेन्नई सुपर किंग्ज यांच्यात खेळला जाईल.