भारतीय संघाचा फिरकी गोलंदाज युजवेंद्र चहल सध्या आयपीएल फ्रँचायझी राजस्थान रॉयल्ससाठी चांगली कामगिरी करत आहे. चहलची पत्नी धनश्री वर्माही त्याच्यासोबत संघाच्या बायो- बबलमध्ये आहे. धनश्री एक डान्सर आहे आणि सोशल मीडियावर प्रचंड सक्रिय असते. गुरुवारी (१४ एप्रिल) गुजरात टायटन्सविरुद्धच्या सामन्यात राजस्थानने ३७ धावांनी पराभव पत्करला. या सामन्यापूर्वी राजस्थान रॉयल्सने त्यांच्या अधिकृत इंस्टाग्राम खात्यावरून धनश्रीच्या डान्सचा एक खास व्हिडिओ शेअर केला आहे, ज्यामध्ये तिच्यासोबत रियान पराग देखील दिसत आहे.
राजस्थान रॉयल्स (Rajasthan Royals) संघाच्या इंस्टाग्रामवरून शेअर केल्या गेलेल्या या व्हिडिओत संघाचा खेळाडू रियान पराग (Riyan Parag) आणि चहलची (Yuzvendra Chahal) पत्नी धनश्री वर्मा (Dhanashree Verma) पारंपारिक न्यृत्य बीहू (Bihu Dance) करताना दिसत आहेत. रियानने डोक्याला गमछा बांधला आहे आणि तो धनश्रीचे स्वागत करत आहे. यादरम्यान त्याने धनश्रीला एक गमछाही दिला. यानंतर दोघेही बीहू डान्स करू लागले. सोशल मीडियावर व्हिडिओ तुफान व्हायरल झाला आहे. लाखो चाहत्यांनी व्हिडिओला लाईक्स दिल्या आहेत.
https://www.instagram.com/p/CcU9oZlFPiX/
धनश्रीने स्वतः या व्हिडिओवर कमेंट करून लिहिले की, “खूप प्रेमळ आणि मजेदार.” फ्रँचाझीकडून हा व्हिडिओ बोहाग बीहू सनाचे औचित्य साधून शेअर केला गेला आहे. हा आसामचा सण आहे, जो यावर्षी १४ ते १६ एप्रिलदरम्यान साजरा केला जात आहे. रियान परागने यापूर्वी अनेकदा संघाला विजय मिळवून दिल्यानंतर मैदानात बीहू डान्स केल्याचे पाहिले गेले आहे.
महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा
https://www.instagram.com/p/CcR4FAPo0Mb/
यापूर्वी धनश्री वर्माचे अनेक डान्स व्हिडिओ सोशल मीडियावर शेअर झाले आहेत. तिने अनेक भारतीय खेळाडूंसोबतही डान्स व्हिडिओ बनवले आहेत. नुकताच काही दिवसांपूर्वी तिने बॉलिवूड अभिनेता वरुण धवनसोबतचा व्हिडिओ शेअर केला होता. व्हिडिओत धनश्रीने जबरदस्त डान्स स्टेप्स दाखवल्या होत्या.
