आयपीएल 2024 च्या दुसऱ्या क्वालिफायर सामन्यात सनरायझर्स हैदराबाद आणि राजस्थान रॉयल्सचे संघ आमनेसामने आहेत. चेन्नईच्या चेपॉक स्टेडियमवर हा सामना खेळला जात आहे. राजस्थान रॉयल्सनं नाणेफेक जिंकून प्रथम गोलंदाजीचा निर्णय घेतला.
दोन्ही संघांच्या प्लेइंग 11
राजस्थान रॉयल्स – यशस्वी जयस्वाल, टॉम कोहलर-कॅडमोर, संजू सॅमसन (कर्णधार/यष्टीरक्षक), रियान पराग, ध्रुव जुरेल, रोवमन पॉवेल, रविचंद्रन अश्विन, ट्रेंट बोल्ट, आवेश खान, संदीप शर्मा, युझवेंद्र चहल
इम्पॅक्ट प्लेअर्स – शिमरॉन हेटमायर, नांद्रे बर्गर, शुभम दुबे, डोनोवन फरेरा, कुलदीप सेन
सनरायझर्स हैदराबाद – ट्रॅव्हिस हेड, अभिषेक शर्मा, राहुल त्रिपाठी, नितीश रेड्डी, एडन मार्करम, हेनरिक क्लासेन (यष्टीरक्षक), अब्दुल समद, पॅट कमिन्स (कर्णधार), भुवनेश्वर कुमार, जयदेव उनाडकट, टी नटराजन
इम्पॅक्ट प्लेअर्स – उमरान मलिक, सनवीर सिंग, ग्लेन फिलिप्स, मयंक मार्कंडे, शाहबाज अहमद
अंतिम सामन्यात पोहचण्यासाठी दोन्ही संघांसाठी ही शेवटची संधी असेल. आजच्या सामन्यातील विजेता संघ 26 मे रोजी फायनलमध्ये कोलकाता नाईट रायडर्सशी भिडेल. श्रेयस अय्यरच्या नेतृत्वाखालील कोलकाता संघानं क्वालिफायर 1 मध्ये हैदराबादचा पराभव करून अंतिम फेरीत प्रवेश केला होता. तर राजस्थान रॉयल्सनं सलग चार सामने गमावल्यानंतर एलिमिनेटरमध्ये रॉयल चॅलेंजर्स बंगळुरूचा पराभव करत क्वालिफायर 2 मध्ये धडक दिली.
आयपीएल 2024 च्या लीग टप्प्यात हे दोन संघ एकदा आमनेसामने आले होते. त्यावेळी दोघांमध्ये खूप रोमांचक सामना झाला होता. तो सामना सनरायझर्स हैदराबादनं अवघ्या एका धावेनं जिंकला होता. त्यामुळे आजचा सामना देखील चुरशीचा होईल, अशी अपेक्षा आहे. सनरायझर्स हैदराबाद आणि राजस्थान रॉयल्स यांच्यात आयपीएलमध्ये आतापर्यंत 19 सामने खेळले गेले आहेत, ज्यापैकी हैदराबादनं 10 तर राजस्थाननं 9 सामने जिंकले आहेत.
महत्त्वाच्या बातम्या –
एलिमिनेटर सामन्यातील पराभवानंतर विराट कोहली झाला भावूक; म्हणाला, “आम्ही सन्मानासाठी खेळलो आणि…”
