आयसीसी टी-२० क्रमवारी जाहीर: केएल राहुल आणि विराट कोहलीची आगेकूच, पटकाविले ‘हे’ स्थान

भारत विरुद्ध ऑस्ट्रेलियाची टी-२० मालिका भारताने २-१ अशा फरकाने जिंकली. या मालिकेनंतर आयसीसीने जागतिक टी-२० क्रमवारी जाहीर केली आहे. संघांच्या क्रमवारीत भारताने आपले तिसरे स्थान कायम राखले आहे, तर फलंदाजांच्या क्रमवारीत केएल राहुल आणि विराट कोहली यांचा फायदा झाला आहे. मात्र गोलंदाजांच्या क्रमवारीत कोणत्याही भारतीय गोलंदाजाला अव्वल १० खेळाडूंमध्ये स्थान मिळाले नाही.

सातत्यपूर्ण फलंदाजीचे मिळाले फळ
नुकत्याच जाहीर झालेल्या आयसीसी टी-२० क्रमवारीत भारतीय कर्णधार विराट कोहली आणि ऑस्ट्रेलिया दौर्‍यावर मर्यादित षटकांच्या सामन्यांतील उपकर्णधार केएल राहुल यांना बढती मिळाली आहे. मालिका सुरू होण्यापूर्वी केएल राहुल चौथ्या क्रमांकावर होता. त्याने ऑस्ट्रेलियन कर्णधार ऍरॉन फिंचला मागे टाकत तिसरे स्थान मिळविले. त्याचवेळी विराट कोहली मालिकेपूर्वी नवव्या क्रमांकावर होता. मात्र आता त्याला आठव्या स्थानावर बढती मिळाली आहे. या क्रमवारीत इंग्लंडचा डावखुरा फलंदाज डेव्हिड मलान अव्वल स्थानावर असून पाकिस्तानचा कर्णधार बाबर आझम दुसर्‍या क्रमांकावर आहे.

Gains for 🇮🇳 in the latest @MRFWorldwide ICC Men's T20I Batting Rankings, with Virat Kohli and KL Rahul both moving up a spot within the top 🔟

Rankings ▶️ https://t.co/H7CnAiw0YT pic.twitter.com/ktHXBMeIsC

— ICC (@ICC) December 9, 2020

🇦🇺 Adam Zampa enters the top 5️⃣
🏴󠁧󠁢󠁥󠁮󠁧󠁿 Chris Jordan gains two places to join the top 🔟
⬆️ Gains for 🏴󠁧󠁢󠁥󠁮󠁧󠁿 Adil Rashid, 🇵🇰 Imad Wasim and 🌴 Sheldon Cottrell 👏

There is plenty of movement in the latest @MRFWorldwide ICC Men's T20I Bowling Rankings 👀

👉 https://t.co/H7CnAiw0YT pic.twitter.com/Fpb1yVlRfd

— ICC (@ICC) December 9, 2020

सांघिक व गोलंदाजी क्रमवारीत निराशा
आयसीसीच्या सांघिक टी-२० क्रमवारीत भारत-ऑस्ट्रेलियाच्या मालिकेने कुठलेही फेरबदल झाले नाहीत. भारतीय संघ या मालिकेनंतर २६८ गुणांसह या क्रमवारीत तिसर्‍या स्थानी आहे. इंग्लंडचा संघ २७५ गुणांसह अव्वल स्थानावर आणि ऑस्ट्रेलियन संघ २७२ गुणांसह तिसर्‍या स्थानी आहे.
गोलंदाजांच्या क्रमवारीत देखील भारताच्या दृष्टीने निराशाच पदरी पडली आहे. या क्रमवारीत एकाही भारतीय गोलंदाजाला अव्वल दहामध्ये स्थान मिळाले नाही. गोलंदाजांच्या क्रमवारीत अफगाणिस्तानचा लेगस्पिनर राशिद खान अव्वल स्थानी असून अफगाणिस्तानचाच दुसरा फिरकीपटू मुजीब उर रहमान दुसर्‍या स्थानावर आहे. इंग्लंडचा आदिल रशीद या क्रमवारीत एका स्थानाची प्रगती करत तिसर्‍या स्थानावर पोहोचला असून ऑस्ट्रेलियाचा लेगस्पिनर एडम झाम्पा दोन स्थानांनी सुधारणा करत चौथ्या क्रमांकावर पोहोचला आहे.

संबंधित बातम्या:
– टी२० चाही विराट राजा, या विक्रमात देखील पोहोचला अव्वल स्थानी
– बिग ब्रेकिंग! भारताचा दिग्गज खेळाडू पार्थिव पटेल याची क्रिकेटच्या सर्व प्रकारातून निवृत्ती
– केएल राहुलच्या शिरपेचात मानाचा तुरा; या विक्रमाच्या यादीत पटकाविले चौथे स्थान