न्यूझीलंडमध्ये १९ ऑक्टोबरपासून प्लंकेट शिल्ड (प्रथम श्रेणी क्रिकेट) २०२०-२१च्या हंगामाची सुरुवात झाली आहे. या स्पर्धेतील ५व्या सामन्यात न्यूझीलंडचा वेगवान गोलंदाज कायल जेमिसनने जबरदस्त गोलंदाजी प्रदर्शन केले आहे. त्यामुळे तो खेळत असलेल्या ऑकलँड संघाने सेंट्रल डिस्ट्रिक्ट संघाला २१५ धावांनी मात दिली आहे.
जेमिसनने या सामन्यात १७ षटके टाकत केवळ ४१ धावांवर ५ विकेट्स घेतल्या आहेत. दरम्यान त्याने विरुद्ध सेंट्रल डिस्ट्रिक्ट संघाच्या सलग ३ फलंदाजांना बाद करत हॅट्रिक नोंदवली आहे. टॉम ब्रूस, डेन क्लीवर आणि ब्रॅड श्कमुलियन हे ते ३ फलंदाज आहेत. एवढेच नव्हे तर, या शिलेदाराने ऑटोगोविरुद्धच्या यापुर्वीच्या सामन्यातही ५ फलंदाजांना तंबूत धाडले होते.
पदार्पणाच्या सामन्यातच घेतली विराटची विकेट
२५ वर्षीय जेमिसनने ८ फेब्रुवारी २०२० ला भारताविरुद्धच्या वनडे सामन्यातून आंतरराष्ट्रीय क्रिकेटमध्ये पदार्पण केले होते. तर काही दिवसांनी २१ फेब्रुवारी रोजी भारताविरुद्धच्या सामन्यातूनच कसोटी कारकिर्दीची सुरुवात केली होती. त्यावेळी आपल्या पहिल्याच कसोटी सामन्यात जेमिसनने भारतीय संघाचा कर्णधार विराट कोहलीची विकेट घेतली होती.
क्रिकेट कारकिर्दीतील आकडेवारी
जर त्याच्या आंतरराष्ट्रीय क्रिकेट आकडेवारीविषयी बोलायचे झाले, तर त्याने २ कसोटी सामन्यात ९ विकेट्स घेतल्या आहेत. तसेच ९३ धावाही केल्या आहेत. शिवाय २ वनडे सामन्यात ३ विकेट्स आणि २५ धावांची कामगिरी केली आहे. याव्यतिरिक्त देशांतर्गत क्रिकेटमध्येही त्याने उल्लेखनीय प्रदर्शन केले आहे.
जेमिसनने २८ प्रथम श्रेणी सामन्यात ८९ विकेट्स आणि ५६६ धावा केल्या आहेत. तर अ दर्जाच्या क्रिकेटमध्ये ३० सामन्यात ४० विकेट्स आणि २६१ धावांची खात्यात नोंद केली आहे. देसांतर्गत टी२० क्रिकेटमध्ये जेमिसनची गोलंदाजी कमाल दिसताना दिसली आहे. त्याने केवळ २९ सामन्यात ४६ फलंदाजांना पव्हेलियनला पाठवले आहे.
ठरणार आयपीएलचा महागडा खेळाडू!
त्यामुळे गोलंदाजीसह फलंदाजीतही जोरदार शॉट्स मारण्याची क्षमता राखणारा जेमिसन २०२१मध्ये आयपीएलचे मैदान गाजवताना दिसू शकतो. यावर्षीच्या आयपीएल हंगामात तो सहभागी झाला नव्हता. मात्र त्याच्या फॉर्मला पाहता पुढील वर्षी आयपीएल फ्रंचायझी त्याच्यासाठी कित्येक कोटींची किंमत लावु शकतात.
महत्त्वाच्या बातम्या-
ICCने घातली होती ‘या’ खेळाडूवर २ वर्षांची बंदी, आता संघाने केलीय स्वागताची जय्यत तयारी
का चेन्नई सुपर किंग्सकडून धोनीला मिळतो इतका सन्मान? माजी क्रिकेटरने सांगितले कारण
जोफ्रा म्हणतोय, “आयपीएलच्या ‘या’ दिवसांना मी कंटाळलोय, मला मुक्त करा”
ट्रेडिंग लेख-
Top-5 Fielding: निकोलस पूरनच्या फिल्डींगला जाँटी ऱ्होड्सचा सलाम; सचिननेही केली आर्चरवर कमेंट
SRH विरुद्ध केलेल्या ‘या’ तीन चुकांमुळे DC चं ‘प्ले ऑफ’ तिकीट लांबणीवर
हैदराबादचे ‘हे’ पाच धुरंदर अख्ख्या दिल्लीवर पडले भारी; मिळवला दणदणीत विजय
