जागतिक कसोटी अजिंक्यपद स्पर्धेचा अंतिम सामना सध्या इंग्लंडमधील साऊथम्पटनच्या मैदानावर सुरू आहे. भारत आणि न्यूझीलंडचे संघ या सामन्यात आमनेसामने आहेत. या सामनाच्या पहिला डाव भारतीय संघासाठी निराशाजनक ठरला. कागदावर बलाढ्य वाटणारी फलंदाजी या डावात अवघ्या २१७ धावा करू शकली.
भारताचे सगळेच फलंदाज या डावात मोठी खेळी करण्यात अपयशी ठरले. यात युवा यष्टीरक्षक फलंदाज रिषभ पंतचा देखील समावेश होता. रिषभ पंत या डावात अवघ्या ४ धावा काढून बाद झाला. मात्र तो ज्या पद्धतीने बाद झाला, त्यावरून आता सोशल मिडीयावर त्याला ट्रोल केले जात आहे.
पंतवर व्हायरल झाले मिम्स
या सामन्याच्या दुसर्या दिवशी भारतीय संघ फलंदाजीला उतरला तेव्हा ३ बाद १४६ अशा सुस्थितीत होता. कर्णधार विराट कोहली आणि अजिंक्य रहाणे त्यावेळी खेळपट्टीवर होते. मात्र सत्र सुरू झाल्यावर काही वेळातच न्यूझीलंडचा वेगवान गोलंदाज कायले जेमिसनने कोहलीला पायचीत केले. कोहली बाद झाल्यावर पंत मैदानावर आला. त्यावेळी त्याच्याकडून जबाबदार फलंदाजीची अपेक्षा होती.
मात्र पंत ही अपेक्षा पूर्ण करू शकला नाही. अडखळत केलेल्या सुरुवातीनंतर ४ धावांवर असतांना तो जेमिसनच्या गोलंदाजीवर बाद झाला. पंतने निष्काळजीपणा करत ऑफ स्टंपच्या बराच दूर असलेल्या चेंडूवर ड्राईव्ह मारण्याचा प्रयत्न केला. मात्र याचे परिणाम त्याला भोगावे लागले आणि तो स्वस्तात तंबूत परतला. मात्र त्याच्या या निष्काळजीपणावर नेटकऱ्यांनी चांगलीच टीका केली. पाहा त्याच्या फलंदाजीवर व्हायरल झालेले मिम्स –
भारताची पहिल्या डावात घसरगुंडी
दरम्यान, न्यूझीलंड गोलंदाजांच्या स्विंग समोर भारतीय फलंदाजांची पहिल्या डावात घसरगुंडी उडाली. सामन्याच्या दुसर्या दिवशी भारतीय संघाने ३ बाद १४६ अशा चांगल्या स्थितीत सुरवात केली होती. मात्र त्यानंतर केवळ ७१ धावांत त्यांनी ७ विकेट्स गमावल्याने त्यांचा डाव २१७ धावांवर संपुष्टात आला. भारताकडून अजिंक्य रहाणेने सर्वाधिक ४९ धावा केल्या. तर न्यूझीलंडकडून कायले जेमिसन ३१ धावांत ५ विकेट्स घेत सर्वाधिक यशस्वी गोलंदाज ठरला.
महत्त्वाच्या बातम्या –
WTC Final: भारताचा डाव उध्वस्त करणाऱ्या काईल जेमिसनच्या नावाची झाली इतिहासात नोंद
‘हा सामना पाहण्याचा प्रयत्न की…?’, रोहितच्या दुर्बिणीच्या फोटोवर पत्नी रितिकाची भन्नाट प्रतिक्रिया
टोकियो ऑलिंपिकच्या तयारीसाठी बीसीसीआयचाही हातभार, भारतीय पथकासाठी तब्बल ‘एवढ्या’ कोटींचे योगदान
