मुंबई । टी20 क्रिकेटमधील सर्वाधिक लोकप्रिय स्पर्धेचा थरार आजपासून सुरू होणार आहे. इंडियन प्रीमियर लीगच्या 13 व्या हंगामाच्या उद्घाटनासह सामना पहायला मिळणार आहे. माजी भारतीय कर्णधार एमएस धोनी आज संध्याकाळी ७ वाजून ३० मिनिटानंतर मैदानात परतणार आहे. 2019 मधील आयसीसी विश्वचषक उपांत्य फेरीनंतर धोनीच्या पुनरागमनाची चाहते वाट पहात आहेत.
माजी भारतीय कर्णधार एमएस धोनी शेवटी इंग्लंड आणि वेल्समध्ये आयसीसी विश्वचषक उपांत्य फेरीत खेळताना दिसला होता. न्यूझीलंडविरुद्धच्या या सामन्यात भारतीय संघाचा पराभव झाला. या सामन्यात माजी कर्णधाराने 50 धावांची खेळी केली होती. या सामन्यापासून त्याचे चाहते आपल्या स्टार यष्टीरक्षक फलंदाजाची मैदानात परत येण्याची वाट पहात आहेत.
धोनी 13 महिन्यांनंतर मैदानात परतला
2019 च्या विश्वचषक उपांत्य फेरीच्या सामन्यानंतर, तब्बल 13 महिन्यांनंतर धोनी आज संध्याकाळी प्रथमच मैदानात उतरणार आहे. 9 जुलै 2019 नंतर धोनी 19 सप्टेंबर 2020 रोजी सामना खेळणार आहे. मुंबई इंडियन्सविरुद्ध आयपीएलच्या पहिल्या सामन्यात धोनी सीएसकेचा कर्णधार म्हणून खेळताना दिसणार आहे.
15 ऑगस्ट 2020 रोजी झाला होता सेवानिवृत्त
ऑस्ट्रेलियामध्ये होणार्‍या आयसीसी टी20 विश्वचषकात धोनी भारताकडून खेळताना दिसेल अशी चाहत्यांना आशा होती. यावर्षी कोरोना साथीच्या साथीमुळे आयसीसीने ही स्पर्धा पुढे ढकलण्याचा निर्णय घेतला. 15 ऑगस्ट 2020 रोजी धोनीने आंतरराष्ट्रीय क्रिकेटमधून निवृत्तीची घोषणा केली. आता तो फक्त क्लब क्रिकेटमध्ये खेळताना दिसेल.
महत्त्वाच्या बातम्या-
-अखेर ऋतुराज गायकवाड पहिला सामना खेळणार की नाही याचे उत्तर मिळाले
-आयपीएल स्पर्धा सुरू होण्यापूर्वी रोहित शर्माला आली लसिथ मलिंगाची आठवण म्हणाला…
-काय सांगता! वयाच्या २५व्या वर्षीच वैतागून ‘त्याने’ केला क्रिकेटला टाटा बाय बाय
ट्रेंडिंग लेख-
-‘या’ ६ खेळाडूंच्या प्रदर्शनावर अवलंबून असेल आजच्या आयपीएल सामन्याचा निकाल
-पहिलाच सामना जिंकायला धोनी ‘या’ ११ खेळाडूंना घेऊन उतरणार मैदानात
-आयपीएल २०२०: सर्व ८ संघांच्या खेळाडूंची संपूर्ण यादी