भारतात क्रिकेट हा नेहमीच एक धर्म मानला गेला आहे. देशातील लोकांना क्रिकेटबद्दल एक वेगळ्याच प्रकारची आवड आणि क्रेझ दिसून येते. रोहित शर्माच्या नेतृत्वाखाली, भारतीय संघ चांगली कामगिरी करत आहे. संघाने चॅम्पियन्स ट्रॉफी 2025 च्या अंतिम फेरीत प्रवेश केला आहे, ज्यात त्यांचा सामना 9 मार्च रोजी न्यूझीलंडशी होईल. भारताने 14व्यांदा आयसीसी स्पर्धेच्या अंतिम फेरीत प्रवेश केला आहे. आतापर्यंत एकूण 13 आयसीसी फायनल खेळले आहेत. यापैकी संघाने किती विजेतेपदे जिंकली आहेत ते जाणूनय घेऊया.
गेल्या काही वर्षांत, आयसीसी स्पर्धांमध्ये भारतीय संघाची कामगिरी चांगली राहिली आहे. गेल्या 12 वर्षांत भारताने फक्त एकच आयसीसी जेतेपद जिंकले असले तरी, संघ बाद फेरीत पोहोचत आहे. भारताने पहिल्यांदा 1983 मध्ये आयसीसीच्या अंतिम फेरीत प्रवेश केला आणि विजेतेपदही जिंकले. तेव्हा भारतीय संघाने कपिल देव यांच्या नेतृत्वाखाली विश्वचषक जिंकला.
यानंतर, सौरव गांगुलीच्या नेतृत्वाखाली भारत 2000 आणि 2002 च्या चॅम्पियन्स ट्रॉफीच्या अंतिम फेरीत पोहोचला. त्यानंतर भारतीय संघाने 2003 च्या एकदिवसीय विश्वचषकाचा अंतिम सामनाही खेळला. गांगुलीच्या नेतृत्वाखाली भारतीय संघाने 2002 मध्ये चॅम्पियन्स ट्रॉफी जिंकली. तेव्हा टीम इंडिया संयुक्त विजेती होती. पावसामुळे अंतिम सामना होऊ शकला नाही. या कारणास्तव भारत आणि श्रीलंकेला संयुक्त विजेते घोषित करण्यात आले.
एमएस धोनीच्या नेतृत्वाखाली भारतीय संघाने 2007 चा टी20 विश्वचषक, 2014 चा टी20 विश्वचषक, 2011 चा एकदिवसीय विश्वचषक आणि 2013 चा चॅम्पियन्स ट्रॉफीचा अंतिम सामना खेळला. त्याच्या नेतृत्वाखाली टीम इंडियाने नवीन उंची गाठली आणि जगभरात आपली छाप पाडली. धोनी नेहमीच चौकटीबाहेर विचार करण्यासाठी प्रसिद्ध आहे. धोनीच्या नेतृत्वाखाली भारताने तीन आयसीसी जेतेपदे जिंकली.
रोहित शर्माच्या नेतृत्वाखाली, भारताने आतापर्यंत वर्ल्ड टेस्ट चॅम्पियनशिप 2023, वनडे वर्ल्ड कप 2023, टी20 वर्ल्ड कप 2024 या तीन आयसीसी फायनल खेळल्या आहेत. आता चौथ्या आयसीसी फायनलमध्ये पोहोचला आहे. रोहितच्या नेतृत्वाखाली टीम इंडियाने 2024चा टी20 विश्वचषकही जिंकला आहे. ज्यात भारताने अंतिम सामन्यात दक्षिण आफ्रिकेचा पराभव केला होता.
भारताने आतापर्यंत 13 आयसीसी अंतिम सामने खेळले असून त्यापैकी 6 वेळा विजेतेपद मिळवले आहे. यात 1983 आणि 2011 चा क्रिकेट विश्वचषक, 2002 आणि 2013 ची चॅम्पियन्स ट्रॉफी, तसेच 2007 आणि 2024 चा टी20 विश्वचषक यांचा समावेश आहे.
हेही वाचा-
बीसीसीआयनं स्लीव्हलेस जर्सीवर घातली बंदी, खेळाडूंना शिस्त लागण्यासाठी घेतला मोठा निर्णय?
रोहित शर्माच्या फिटनेसवर सूर्यकुमार यादवचे मोठे वक्तव्य, अंतिम सामन्यासाठी संघाला पाठिंबा!
Mohammed Shami: रोजा न पाळल्याने मोहम्मद शमी अडचणीत, मौलानांनी ठरवले ‘गुन्हेगार’
