चॅम्पियन्स ट्रॉफीमध्ये पाकिस्तानविरुद्धच्या सामन्यात विराट कोहलीने विजयी चौकार मारला. या चौकारासह कोहलीने त्याचे 82वे आंतरराष्ट्रीय शतक पूर्ण केले. भारताचा विजय आणि कोहलीचे शतक देशभरात साजरे झाले. पण तुम्हाला माहिती आहे का की पराभूत देश पाकिस्तानमध्येही विराट कोहलीचे शतक साजरे करण्यात आले.
पाकिस्तानचा व्हिडिओ सोशल मीडियावर व्हायरल होत आहे. व्हिडिओमध्ये शेकडो चाहते मोठ्या स्क्रीनवर सामना पाहताना दिसत आहेत. सगळे पाकिस्तानचा जयजयकार करण्यासाठी बसले होते. मात्र, पाकिस्तानच्या खराब कामगिरी आणि दारुण पराभवानंतरही लोकांनी खूप आनंद साजरा केला. खरंतर विराट कोहलीच्या शतकाने सगळेच खूश होते. व्हिडिओमध्ये असे दिसून येते की, त्याच्या शतकानंतर तिथे उपस्थित असलेल्या मुली कोहली-कोहलीच्या जयघोषात त्याला पाठिंबा देत आहेत.
पाहा व्हिडिओ-
CELEBRATION IN PAKISTAN FOR VIRAT KOHLI’S HUNDRED. ????pic.twitter.com/WOkDj8d8nN
— Mufaddal Vohra (@mufaddal_vohra) February 23, 2025
या डावात विराट कोहलीने आपले 14 हजार एकदिवसीय धावाही पूर्ण केल्या. तो 14 हजार धावा करणारा सर्वात जलद फलंदाजही बनला आहे. 299 व्या सामन्यातील 287 व्या डावात कोहलीने हा आकडा गाठला. त्याने सचिनचा विक्रम मोडला, ज्याने 350 डावांमध्ये हे केले होते.
विराट कोहलीच्या एकदिवसीय कारकिर्दीबद्दल बोलायचे झाले तर, त्याने 299 सामन्यांमध्ये 14085 धावा केल्या आहेत. या फॉरमॅटमध्ये त्याने 73 अर्धशतके आणि 51 शतके झळकावली आहेत.
भारत आणि पाकिस्तानचा समावेश ‘अ’ गटात आहे. त्यांच्यासोबत या गटात बांग्लादेश आणि न्यूझीलंड आहेत. पाकिस्तानवरील विजयासह, भारतीय संघ 4 गुणांसह या गटात अव्वल स्थानावर पोहोचला आहे. पाकिस्तान तळाशी आहे, त्यांनी दोन्ही सामने गमावले आहेत. आता जर न्यूझीलंडने बांग्लादेशला हरवले तर पाकिस्तान 2025 च्या चॅम्पियन्स ट्रॉफीमधून अधिकृतपणे बाहेर पडेल.
हेही वाचा-
रोहितने या खेळाडूंना दिले विजयाचे श्रेय, कोहलीबद्दलही दिली भावनिक प्रतिक्रिया!
‘प्रामाणिकपणे सांगायचे तर…’, टीम इंडियाच्या विजयानंतर किंग कोहलीचे हृदयस्पर्शी वक्तव्य
विराट कोहलीने लिहिला नवा इतिहास, आयसीसी स्पर्धेत ‘न भूतो न भविष्यति’ कामगिरी!
