इंडियन प्रीमियर लीगच्या तिसऱ्या सामन्यात कोलकाता नाईट रायडर्स आणि सनरायझर्स हैदराबाद हे दोन्ही संघ आमने सामने होते. हा सामना कोलकाता नाईट रायडर्स संघाने १० धावांनी आपल्या नावावर केला. परंतु सोशल मीडियावर कोलकाता नाईट रायडर्स संघाच्या विजयापेक्षा नितीश राणाने अर्धशतक केल्यानंतर केलेल्या आगळ्यावेगळ्या सेलिब्रेशनची चर्चा रंगल्याचे पाहायला मिळत आहे.
या सामन्यात नाणेफेकीचा कौल हैदराबाद संघाच्या बाजूने लागला होता. त्यांनी कोलकाता नाईट रायडर्स संघाला फलंदाजी करण्याचे आमंत्रण दिले होते. त्यानंतर सलामीला आलेल्या शुबमन गिल आणि नितीश राणा यांनी सुरुवातीपासूनच हैदराबाद संघाच्या गोलंदाजांवर हल्लाबोल केल्याचे पाहायला मिळाले. राणाने या सामन्यात ५६ चेंडूत ८० धावांची खेळी केली होती. यात त्याने ९ चौकार आणि ४ षटकार लगावले होते.
अर्धशतक झळकावल्यानंतर नितीश राणाकडून आगळेवेगळे सेलिब्रेशन केल्याचे पाहायला मिळाले होते. त्याने डगआऊटच्या दिशेने पाहून बॅट दाखवत ‘थ्री-फिंगर हँड जेस्चर’ केल्याचे पाहायला मिळाले होते. त्याने असे सेलिब्रेशन का केले असावे? याबाबत सोशल मीडियावर चर्चा रंगली आहे. असे सेलिब्रेशन, जर्मनीचा फुटबॉलपटू मेसुट ओज़िलकडून केल्याचे पाहायला मिळते. तो गोल झाल्यावरही असेच सेलिब्रशन करतो.
Appreciation post for Nitish Rana
What a brilliant knock of 80 in 56 balls, intent right from Ball 1 & it paid off !!!
Pure dominance, good start to the season🔥, yet again a kkr batter missed out on a 100…#SRHvsKKR pic.twitter.com/KlDzYfzSX7— Sourav (@imSrv_18) April 11, 2021
https://twitter.com/anubhav__tweets/status/1381427701706149890?s=20
या सामन्यात कोलकाता नाईट रायडर्स संघाने प्रथम फलंदाजी करताना ६ बाद १८७ धावा केल्या होत्या. त्यानंतर १८८ धावांचा पाठलाग करण्यासाठी आलेल्या हैदराबाद संघाला चांगली सुरुवात मिळाली नाही. हैदराबाद संघाकडून जॉनी बेअरस्टोने ५५ आणि मनिष पांडेने सर्वाधिक ६१ धावांची खेळी केली. परंतु हैदराबाद संघाला हा सामना जिंकण्यात यश आले नाही. हा सामना कोलकाता नाईट रायडर्स संघाने १० धावांनी आपल्या नावावर केला आहे.
महत्त्वाच्या बातम्या-
सीएसके संघाच्या चिंतेत वाढ; पंजाबविरुद्धच्या सामन्याला ‘हे’ दोन खेळाडू मुकणार
