आशिया चषक 2023 स्पर्धेसाठी भारतीय संघाची निवड झाली आहे. संघाचे अनेक अनुभवी खेळाडू दुखापतीमुळे संघाच्या बाहेर होते. यात केएल राहुलचे देखिल नाव होते. परंतू भारतीय संघाच्या निवडसमितीने राहुलला 17 सदस्सीय संघात स्थान दिले आहे. संजू सॅमसन हा भारतीय संघासोबत राखीव खेळाडू म्हणून जोडला जोणार आहे. राहुल पुर्णपणे बरा नसताना त्याला संघात स्थान देण्यात आल्यामुळे पाकिस्तानच्या माजी खेळाडूने आक्रमक प्रतिक्रीया दिली आहे.
केएल राहुल (KL Rahul) व्यतरिक्त संजू सॅमसन (Sanju Samson) याचा संघात समावेश करायला हवा होता. तर, राहुलला राखीव खेळाडू म्हणून ठेवायला हवे होते असे मत पाकिस्तानचा माजी खेळाडू दानिश कनेरियाचे (Danish kaneria) आहे. त्याने राहुलच्या कसोटी आणि आयपीएल कामगिरीबद्दलही सांगितले. तो म्हणाला की, राहुल कसोटी आणि आयपीएलमध्येही अपयशी ठरला. कनेरियाने त्याच्या यूट्यूब चॅनलवर याबद्दल चर्चा केली.
पाकिस्तानी खेळाडू म्हणाला, “राहुलने कसोटी क्रिकेटमध्ये चांगली कामगिरी केली नाही, त्यामुळे त्याला संघातील स्थान गमवावे लागले. त्यानंतर आयपीएलमध्येही तो धावा करण्यात अपयशी ठरला. त्याला दुखापत झाली आणि तो बरा झाल्यावर त्याला पुन्हा एकदा संघात प्रवेश मिळाला. हे योग्य नाही. भारतीय संघाने राहुलला दुसरी संधी दिली तर संजूही संघात असायला हवा. राहुल हा राखीव खेळाडू असावा.”
कनेरिया पुढे म्हणाला की, संजूला अनेक संधी मिळाल्या, ज्याचा तो फायदा घेऊ शकला नाही. तो म्हणाला, “संजू पुन्हा एकदा ड्रिंक्स घेऊन जाईल. त्याला चांगली वागणूक मिळाली नाही असेही बरेच जण म्हणतील, पण मला ते मान्य नाही. त्याला भरपूर संधी मिळाल्या, ज्या त्याने दोन्ही हातांनी पकडायला हव्या होत्या. संघात राहण्यासाठी तुम्हाला कामगिरी करावी लागते.”
केएल राहुल दुखापतीमुळे आशिया चषकच्या पहिल्या काही सामन्यांना मुकावू शकतो. संघाची घोषणा करताना मुख्य निवडकर्ता अजित आगरकर यांनी सांगितले की, “जुन्या दुखापतीव्यतिरिक्त त्याला काही किरकोळ दुखापती आहेत. तो आशिया चषकाचे सुरवातीचे काही सामने खेळू शकणार नाही. भारतीय संघ राहुलच्या जागेवर संजूला संधी देणार का? हे पाहणे मनोरंजनाचे ठरणार आहे. (pakistan cricket player danish kaneria said kl rahul should be reserve player )
महत्वाच्या बातम्या-
कशी नशिबाने थट्टा आज मांडली! भारताच्या ‘या’ खेळाडूचे करिअर बर्बाद? 2 वर्षांपासून खेळला नाही सामना
Asia Cup 2023मध्ये रोहित घडवणार इतिहास! धोनीचा सर्वात मोठा Record मोडण्याची ‘हिटमॅन’ला संधी