तिरंगी मालिकेतील दुसऱ्या सामन्यात पाकिस्तानने युएईला 31 धावांनी हरवून सलग दुसरा सामना जिंकला. या विजयासह, पाकिस्तानच्या अंतिम फेरीत पोहोचण्याच्या शक्यता मोठ्या प्रमाणात वाढल्या आहेत. युएईविरुद्ध प्रथम फलंदाजी करताना पाकिस्तानने 207 धावा केल्या. या विजयासह, त्यांनी टी20 मध्ये प्रथम फलंदाजी करताना सर्वाधिक 200 पेक्षा जास्त धावा करण्याच्या बाबतीत श्रीलंका आणि नेपाळला मागे टाकले. 208 धावांच्या लक्ष्याचा पाठलाग करताना युएईला निर्धारित 20 षटकांत केवळ 176 धावा करता आल्या. पाकिस्तानच्या विजयाचा नायक सॅम अयुब होता, ज्याने 38 चेंडूत 69 धावांची शानदार खेळी केली.
नाणेफेक जिंकून प्रथम फलंदाजी केल्यानंतर, सॅम अयुबने पाकिस्तान संघासाठी जलद अर्धशतक झळकावले, तर त्याच्याशिवाय हसन नवाजने 215.38 च्या स्ट्राईक रेटने 26 चेंडूत 56 धावांची शानदार खेळी केली. या दोन खेळाडूंच्या जोरावर पाकिस्तान संघ 200 धावांचा टप्पा ओलांडू शकला.
टी-20 मध्ये पाकिस्तानने प्रथम फलंदाजी करताना 200 पेक्षा जास्त धावा केल्याची ही 12वी वेळ आहे. यासह, त्यांनी श्रीलंका आणि नेपाळला मागे टाकले आहे ज्यांनी प्रत्येकी 11वेळा हा पराक्रम केला आहे. या यादीत भारत पहिल्या क्रमांकावर आहे ज्यांनी 32 वेळा प्रथम फलंदाजी करताना 200 पेक्षा जास्त धावा केल्या आहेत.
टी20 मध्ये प्रथम फलंदाजी करताना सर्वाधिक 200+ धावा काढणारे संघ –
32- भारत
22 – न्यूझीलंड
17 – वेस्ट इंडिज
16 – दक्षिण आफ्रिका
15- ऑस्ट्रेलिया
14- इंग्लंड
12 – पाकिस्तान*
11- श्रीलंका
11 – नेपाळ
208 धावांच्या लक्ष्याचा पाठलाग करताना, यूएईचा कर्णधार मोहम्मद वसीमने 18 चेंडूत 33 धावा आणि आसिफ खानने 35 चेंडूत 77 धावा केल्या, परंतु तो यूएईला विजय मिळवून देऊ शकला नाही आणि संघ 20 षटकांत 8 गडी गमावून केवळ 176 धावा करू शकला.
