गोल्डन बाॅय म्हणून ओळखला जाणारा नीरज चोप्रा पॅरिस ऑलिम्पिकमध्ये भालाफेकच्या पात्रता फेरीत पहिल्या प्रयत्नातच अंतिम फेरीसाठी पात्र ठरला आहे. पात्रता फेरीत त्याने 89.34 मीटरचा पहिला फेक मारून अंतिम फेरीत प्रवेश केला. सर्वजण त्याचे अभिनंदन करत आहेत. तो उद्या म्हणजे (8 ऑगस्ट) रोजी सुवर्णपदकाचा सामना खेळणार आहे. दरम्यान, भारतीय क्रिकेटपटू रिषभ पंतचे एक ट्विट व्हायरल होत आहे, जे त्याने नीरज चोप्रावर केले आहे. काही लोक या पोस्टवर कमेंट करत आहेत की पंतचे ‘एक्स’ अकाउंट हॅक झाले आहे.
व्हायरल पोस्टमध्ये रिषभ पंतच्या अकाऊंटवर लिहिले आहे, “जर उद्या नीरज चोप्राने सुवर्णपदक जिंकले तर मी त्या भाग्यवान विजेत्याला 100089 रुपये देईन जो ट्विटला सर्वाधिक लाईक आणि कमेंट करेल. लक्ष वेधण्याचा प्रयत्न करणाऱ्या उर्वरित टॉप-10 लोकांना विमानाची तिकिटे मिळतील. भारतातून आणि जगभरातून माझ्या भावाला सपोर्ट करूया’.
If Neeraj chopra win a gold medal tomorrow. I will pay 100089 Rupees to lucky winner who likes the tweet and comment most . And for the rest top 10 people trying to get the atttention will get flight tickets . Let’s get support from india and outside the world for my brother
— Rishabh Pant (@RishabhPant17) August 7, 2024
पंतच्या या पोस्टला आतापर्यंत जवळपास दीड लाख लाईक्स मिळाले आहेत, तर हजारो लोकांनी रिट्विट केले आहेत. या पोस्टवर असे काही लोक आहेत जे मोठमोठ्या घोषणा करून पंतचा आनंद घेत आहेत.
रिषभ पंत सध्या श्रीलंका विरुद्धच्या मालिकेत खेळत आहे. खरं तर पहिल्या दोन सामन्यात रिषभ पंतला प्लेइंग इलेव्हनमध्ये संघात स्थान मिळाले नव्हते. त्याच्या जागी केएल राहुलला संघात स्थान देण्यात आले होते. मालिकेतील पहिला एकदिवसीय सामना बरोबरीत सुटला होता, तर दुसऱ्या वनडेत भारताचा पराभव झाला होता. आज या दोन्ही संघांमध्ये मालिकेतील शेवटचा वनडे सामना होणार आहे. हा सामना कोणत्याही किंमतीत जिंकण्याचा भारतीय संघ सर्वतोपरी प्रयत्न करेल.
हेही वाचा-
आयसीसी एकदिवसीय क्रमवारीत रोहितनं मारली मुसंडी, तर कोहलीचं झालं नुकसान
आयपीएल गाजवलेल्या खेळाडूचं वनडे पदार्पण, केएल राहुलचा पत्ता कट
IND vs SL: निर्णायक सामन्यासाठी भारतानं दोन मोठ्या खेळाडूंना दिला डच्चू! संघात मोठे उलटफेर
