मुंबई शहर मौर्य मेवरीक्स विरुद्ध मुंबई उपनगर मुर्थाल मॅग्नेट्स यांच्यात क्वालीफायर 2 चा सामना झाला. दोन मुंबई तील संघात काटेकी टक्कर बघायला मिळणार होती. प्रमोशन फेरीत मुंबई शहर ने मुंबई उपनगर संघावर विजय मिळवला होता. सामन्याच्या सुरुवातीला मुंबई उपनगरच्या आकाश रुडेले व रजत सिंग यांनी चपळ चढाया करत संघाला 5-0 अशी सुरुवात करून दिली. तर निखिल पाटील च्या 3 गुणांच्या सुपर टेन ने मुंबई शहर ने खात उघडलं. त्यानंतर दोन्ही संघात चुरशीची लढत झाली.
मुंबई शहर ला मुंबई उपनगर संघाला ऑल आऊट करण्याची संधी होती. मात्र अक्षय तावडे व भारत खारगुटकर यांनी केलेल्या सुपर टॅकल ने मुंबई उपनगर संघाने आपला लोन बराच वेळ लांबवला होता मात्र मध्यांतरा पूर्वी मुंबई शहर ने मुंबई उपनगर संघाल ऑल आऊट करत आघाडी मिळवली. मध्यांतरला मुंबई शहर कडे 19-15 अशी आघाडी होती. मध्यंतरा नंतर बोनस गुण मिळवत शार्दूल पाटील ने सुपर टेन पूर्ण केला. मध्यंतरा नंतर दोन्ही संघात चांगली लढत बघायला मिळाली. मुंबई उपनगर संघाने मुंबई शहर संघाला ऑल आऊट करत सामना 28-28 असा बरोबरीत आणला.
शेवटच्या पाच मिनिटांपूर्वी 29-29 असा सुरू असलेला सामना अंत्यत चुरशीचा झाला. मुंबई उपनगर च्या रजत सिंग च्या शेवटच्या रेड मध्ये रुपेश साळुंखेने अँकल होल्ड करत सामना मुंबई शहराच्या बाजूने झुकवला. मुंबई शहर ने 33-31 असा सामना जिंकत क्वालीफायर 4 खेळण्यासाठी पात्र ठरले. उद्या क्वालीफायर 4 मध्ये त्याना कोल्हापूर संघाशी दोन हात करावे लागणार आहे. मुंबई शहर कडून शार्दूल पाटील ने चढाईत 14 गुण तर निखिल पाटील ने 5 मिळवले. पकडीत हर्ष लाड ने 3 गुण मिळवले. तर मुंबई उपनगर कडून आकाश रुडेले ने चढाईत 6 व पकडीत 4 गुण मिळवत अष्टपैलू खेळी केली. तर रजत सिंग ने 9 गुण मिळवले. (Qualifier 2 – Mumbai City team defeated Mumbai Suburban team)
बेस्ट रेडर- शार्दुल पाटील, मुंबई शहर मौर्य मेवरीक्स
बेस्ट डिफेंडर- आकाश रूडेले, मुंबई उपनगर मुर्थाल मॅग्नेट्स
कबड्डी का कमाल- रुपेश साळुंखे, मुंबई शहर मौर्य मेवरीक्स
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
नाद करायचा नाय! सिराजच्या वेगापुढे रसेलने टेकले गुडघे, यॉर्कर चेंडू टाकत उडवल्या दांड्या, Video
आरसीबी-केकेआर सामन्याती गेम चेंजिंग मोमेंट! पाहा खोऱ्याने धावा ओढणारा विराट कसा झाला बाद
