भारतीय प्रशिक्षकाने केली रोनाल्डोची नक्कल; व्हिडिओ भन्नाट व्हायरल

जागतिक कसोटी चॅम्पियनशिपचा अंतिम सामना भारत आणि न्यूझीलंड यांच्यादरम्यान शनिवारपासून (१९ जून) एजबॅस्टनच्या रोज बाऊल मैदानावर सुरु झाला आहे. नियोजित कार्यक्रमानुसार शुक्रवारी हा सामना सुरू होणार होता. परंतु पावसामुळे सामना सुरू होऊ शकला नाही व आयोजकांनी पहिला दिवस रद्द केला. त्यानंतर झालेल्या पत्रकार परिषदेत भारतीय संघातर्फे क्षेत्ररक्षण प्रशिक्षक आर. श्रीधर पत्रकारांच्या प्रश्नांना सामोरे गेले. मात्र, या पत्रकार परिषदेत त्यांनी प्रसिद्ध फुटबॉलपटू ख्रिस्टियानो रोनाल्डोच्या कृत्याची नक्कल केली.

रोनाल्डोच्या कृत्याची केली पुनरावृत्ती
जागतिक कसोटी चॅम्पियनशिपच्या अंतिम सामन्याचा पहिला दिवस नाणेफेक न होता रद्द करण्यात आला. यानंतर झालेल्या पत्रकार परिषदेत भारतीय संघाचे क्षेत्ररक्षण प्रशिक्षक आर. श्रीधर हे भारतीय संघाचे प्रतिनिधी म्हणून आले. मात्र, तेथे आल्यानंतर त्यांनी ‘येथे कोकच्या बाटल्या आहेत का?’ असे म्हणत समोर ठेवलेल्या काही बाटल्या दुसरीकडे हलविल्या. तसेच त्यानंतर, ते म्हणाले,
“मी या बाटल्या हटविल्यानंतर त्यांची किंमत पडणार नाही ना?” असा मजेदार प्रश्नही विचारला. श्रीधर यांनी संपूर्ण पत्रकार परिषदेत अशाच खेळीमेळीच्या वातावरणात प्रश्नांची उत्तरे दिली.

https://twitter.com/pant_fc/status/1405919485094096898?s=19

रोनाल्डोने हटवली होती कोका-कोलाची बाटली
पोर्तुगालचा फुटबॉलपटू ख्रिस्टियानो रोनाल्डोने युरो कपमध्ये हंगेरी विरुद्धच्या सामन्यानंतर पत्रकार परिषदेत टेबलवर असलेल्या कोका-कोलाच्या बाटल्या हटवल्या होत्या. त्याऐवजी त्याने पाण्याची बाटली उचलली आणि सर्वांना ‘पाणी पिण्यास’ सांगितले.

पोग्बाने हटवली बीयर बॉटल
रोनाल्डोप्रमाणे फ्रान्सचा स्ट्रायकर पॉल पोग्बाने जर्मनी विरुद्धच्या सामन्यानंतर पत्रकार परिषदेत टेबलवर ठेवलेली हेनकेन बीयरची बाटली  टेबलखाली ठेवली होती. तसेच इटलीच्या मॅन्युअल लोकाटली याने देखील रोनाल्डोप्रमाणे कोक- कोलाची बाटली बाजूला केली होती.

महत्त्वाच्या बातम्या-

कोरोना नियमांमध्ये शिथिलता मिळताच, कुटुंबासोबत एमएस धोनी पोहोचला ‘शिमला’

शेफालीचे ‘अविस्मरणीय’ पदार्पण! दोन अर्धशतकांसह केले अनेक विक्रम नावे

अगंगंगंगं! कोहली नाणेफेक हारला अन् मिम्सचा पाऊस सुरु झाला