सनरायझर्स हैदराबाद आणि रॉयल चॅलेंजर्स बेंगलोर (आरसीबी) यांच्यात आयपीएल 2020 चा तिसरा सामना दुबई आंतरराष्ट्रीय क्रिकेट स्टेडियमवर खेळला गेला. उत्कृष्ट कामगिरीमुळे आरसीबी संघाने हा सामना 10 धावांच्या फरकाने जिंकला. हा सामना जिंकल्यामुळे या संघाला गुणतालिकेत 2 महत्त्वपूर्ण गुण मिळाले आहेत.
सनरायझर्स हैदराबादने या सामन्यात नाणेफेक जिंकून प्रथम गोलंदाजीचा निर्णय घेतला. प्रथम फलंदाजी करताना आरसीबी संघाची सलामीची भागीदारी उत्कृष्ट होती, पदार्पण करत असलेल्या युवा फलंदाज डेवदत्त पडिक्कल आणि ऑस्ट्रेलिया क्रिकेट संघाचा फलंदाज ऍरॉन फिंचने पहिल्या विकेटसाठी 11 षटकांत 90 धावांची शानदार भागीदारी केली.
आरसीबीने 123 धावांमध्ये 3 गडी गमावले होते. असले तरी, शेवटी एबी डिविलियर्सने चांगली फटकेबाजी केली आणि आरसीबी संघाची धावसंख्या 20 षटकांत 5 बाद 163 धावापर्यंत पोहोचवण्यात मोलाची कामगिरी केली.
आरसीबीकडून पदार्पण सामना खेळत असलेल्या देवदत्त पडीक्कलने 42 चेंडूत 56 धावा केल्या. त्यानंतर एबी डिविलियर्सने 30 चेंडूत 51 धावांची अर्धशतकी खेळी केली. या सामन्यात कर्णधार विराट कोहली काही खास कामगिरी करू शकला नाही आणि केवळ 14 धावा करून तो बाद झाला.
त्याचबरोबर हैद्राबाद संघाकडून टी नटराजन, अभिषेक शर्मा आणि विजय शंकरने प्रत्येकी 1-1 गडी बाद केले.
हैद्राबाद संघ करू शकला केवळ 153 धावा
प्रत्युत्तरात सनरायझर्स हैद्राबाद संघाने लक्षाचा पाठलाग करतांना खूपच खराब कामगिरी केली. सलामीवीर फलंदाज डेव्हिड वॉर्नर ( 6 धावा) नॉन स्ट्रायकर एन्डवर असतांना क्रीजच्या बाहेर आला. फलंदाजाने मारलेला चेंडू रोखतांना गोलंदाजी करत असलेल्या उमेश यादवचा स्पर्श चेंडूला झाला व चेंडूने त्रिफळा उडविल्या. यामुळे डेव्हिड वॉर्नर धावबाद झाला. त्यानंतर फलंदाज मनीष पांडे आणि इंग्लंड क्रिकेट संघाचा फलंदाज जॉनी बेयरस्टो यांनी 71 धावांची भागीदारी केली.
तथापि, या भागीदारीनंतर हैद्राबादचा डाव पूर्णपणे गडबडला आणि संपूर्ण संघ 19.4 षटकांत 153 धावांवर बाद झाला. सनरायझर्स हैद्राबादकडून 43 चेंडूत 61 धावांची सर्वाधिक खेळी जॉनी बेयरस्टोने याने केली. त्याचबरोबर मनिष पांडेने संघाकडून 33 चेंडूत 34 धावा केल्या आहेत.
फिरकीपटू युझवेंद्र चहलने आरसीबीकडून शानदार गोलंदाजी केली आणि 4 षटकांत केवळ 18 धावा देऊन एकूण 4 बळी घेतले.
या सामन्यात हैद्राबाद संघाचा कर्णधार डेव्हिड वॉर्नरने प्लेयिंग इलेव्हनमध्ये फलंदाज केन विलियम्सन आणि अष्टपैलू मोहम्मद नबीसारख्या स्टार खेळाडूंची निवड केली नव्हती. ज्याचा फटका सनरायझर्स संघाला बसला आणि पराभवाचा सामना करावा लागला.
महत्त्वाच्या बातम्या-
-हैद्राबाद विरुद्ध बेंगलोर संघातील सामन्यात झाली तब्बल एवढ्या विक्रमांची नोंद; घ्या जाणून
-‘या’ दिवशी करोडो भारतीयांना विराट कोहलीसह मिलिंद सोमण देणार फिटनेस मंत्र
-थ्री डायमेंशन खेळाडू ठरला फ्लॉप; सोशल मीडियावर थ्री डी मिम्स होतायेत व्हायरल
ट्रेंडिंग लेख-
-आयपीएल पदार्पणात अर्धशतक करणारे सर्वात युवा ४ फलंदाज
-पंजाबविरुद्धच्या पहिल्याच सामन्यात दिल्लीचे ‘हे’ ५ खेळाडू खेळले नसते तर काही खरं नव्हतं
-विराट कोहली-डेव्हिड वॉर्नरच्या संघांची संभावित प्लेइंग इलेव्हन, पहा कुणाला मिळेल जागा
