भारतीय क्रिकेट संघाचा कर्णधार रोहित शर्मा दक्षिण आफ्रिका दौऱ्यावर आहे. येथे भारतीय संघाला कसोटी मालिकेतील पहिल्या सामन्यात दारुण पराभवाला सामोरे जावे लागले. या पराभवामुळे रोहितवर टीकाही झाली. रोहितसोबत त्याचे कुटुंबीयही दक्षिण आफ्रिका दौऱ्यावर गेले आहेत. नुकताच रोहितचा एक व्हिडिओ समोर आला आहे. यामध्ये तो आपली मुलगी समायरा हिचा वाढदिवस साजरा करताना दिसत आहे. रोहितने समायराचा वाढदिवस खूप खास पद्धतीने साजरा केला.
रितिका सजदेह (Ritika Sajdeh) हीने इंस्टाग्रामवर एक व्हिडिओ शेअर केला आहे.त्यामध्ये रोहित शर्मा,(Rohit Sharma) रितिका आणि समायरा दिसत आहेत. त्यांच्यासोबत इतरही लोक आहेत. रोहित आणि रितिका तिचा वाढदिवस एका खास पद्धतीने साजरा केला. ते एका उद्यानात दिसतात. त्यात लहान मुलांना खेळण्यासाठी अनेक व्यवस्था आहेत. समायराही टॉय ट्रेनमध्ये बसलेली दिसत आहे. रोहितने समायराला तिच्या वाढदिवसानिमित्त एक खास सरप्राईज दिले आहे. सुमारे लाखो लोकांनी हा व्हिडिओ लाइक केला आहे. अनेक चाहत्यांनी व्हिडिओवर कमेंटही केल्या आहेत.
रोहित शर्मा आणि रितिका यांचे 2015 मध्ये लग्न झाले होते. समायरा हिचा जन्म 2018 मध्ये झाला. ती आता पाच वर्षांची आहे. रितिका अनेकदा समायरा आणि रोहितसोबतचे फोटो सोशल मीडियावर शेअर करत असते. रितिकाला इंस्टाग्रामवर 2.5 मिलियन लोक फॉलो करतात.
भारत आणि दक्षिण आफ्रिका यांच्यातील कसोटी मालिकेतील दुसरा सामना 3 जानेवारी रोजी खेळवला जाणार आहे. हा सामना केपटाऊनमध्ये होणार आहे. रोहित शर्मा या सामन्यात नव्या रणनीतीसह उतरताना पाहायला मिळू शकतो. पहिल्या सामन्यात भारतीय संघाला पराभवाचा सामना करावा लागला होता. (Rohit Sharma celebrated daughter Samaira’s birthday in a special way gave a big surprise)
हेही वाचा
IND vs SA: भारताविरुद्धच्या दुसऱ्या कसोटीपूर्वी दक्षिण आफ्रिकेला मोठा झटका, प्रमुख गोलंदाज दुखापतीमुळे मालिकेतून बाहेर
IND vs SA: पहिल्या कसोटीत फ्लॉप ठरलेल्या प्रसिध कृष्णाबद्दल माजी गोलंदाजाचे धक्कादायक विधान; म्हणाला, ‘तो कसोटी खेळण्याच्या लायक…’
