आयसीसी चॅम्पियन्स ट्राॅफी अंतिम टप्प्यात आली आहे. या मेगा स्पर्धेतील फायनल सामन्याचा थरार उद्या (9 मार्च) रंगणार आहे. या सामन्यासाठी रोहित शर्माच्या नेतृत्वाखालील भारतीय संघ आणि मिचेल सँटनरच्या नेतृत्वाखालील न्यूझीलंड संघ आमने-सामने असणार आहे. दोन्ही संघ ट्राॅफीवर आपला कब्जा करण्यासाठी सज्ज आहेत. यासाठी दोन्ही संघ दुबईच्या आंतरराष्ट्रीय क्रिकेट स्टेडियमवर भिडताना दिसतील. तत्पूर्वी भारताचे 2 दिग्गज खेळाडू विराट कोहली आणि रोहित शर्मा चॅम्पियन्स ट्राॅफीनंतर निवृत्त होणार का? (Virat Kohli And Rohit Sharma Retire After Champions Trophy)
चॅम्पियन्स ट्रॉफीनंतर कर्णधार रोहित शर्मा आणि विराट कोहली यांच्या वनडे क्रिकेटमधील भविष्याबद्दल अटकळ बांधली जात आहे, परंतु उपकर्णधार शुबमन गिलने शनिवारी (8 मार्च) सांगितले की, भारतीय संघाच्या ड्रेसिंग रूममध्ये या 2 महान खेळाडूंच्या निवृत्तीची चर्चा होत नाही.
कोहली आणि रोहित अजूनही या फॉरमॅटमध्ये जोरदार फलंदाजी करत आहेत पण क्रिकेट जगतात अशी चर्चा आहे की जर भारताने चॅम्पियन्स ट्रॉफी जिंकली तर दोन्ही फलंदाज किंवा त्यांच्यापैकी किमान एक फलंदाज आपल्या कारकिर्दीतून निवृत्ती घेऊ शकतो.
रविवारी (9 मार्च) न्यूझीलंडविरुद्धच्या चॅम्पियन्स ट्रॉफीच्या फायनल सामन्यापूर्वी झालेल्या पत्रकार परिषदेत गिल म्हणाला, “सध्या ड्रेसिंग रूममध्ये निवृत्तीबद्दल कोणतीही चर्चा नाही. गिलला ‘सर्वोत्तम फलंदाजी क्रमाचा’ भाग असल्याचा अभिमान वाटतो. पण फलंदाजीच्या क्रमातील खोलीमुळे अव्वल 3 खेळाडूंना स्वतःला मोकळेपणाने खेळता येते असे तो म्हणाला. (Shubman Gill in Press Conference)
पुढे बोलताना गिल म्हणाला, “मी ज्या फलंदाजीचा भाग आहे त्यातील हा सर्वोत्तम क्रम आहे. रोहित हा जगातील सर्वोत्तम सलामीवीरांपैकी एक आहे आणि विराटबद्दल काहीही सांगण्याची गरज नाही. पण आमच्या संघाच्या फलंदाजीत खोली आहे आणि त्यामुळे वरच्या फळीला थोडे अधिक स्वातंत्र्य देऊन फलंदाजी करता येते.”
शेवटी गिल म्हणाला, “आम्ही सर्वजण फायनल सामन्यासाठी उत्सुक आहोत. गेल्या वेळी आपण 50 षटकांचा विश्वचषक जिंकू शकलो नाही, पण यावेळी जिंकण्याचा आमचा निर्धार आहे.”
महत्त्वाच्या बातम्या-
IND vs NZ Final: “नाणेफेकीचा कौल महत्त्वाचा ठरणार..” विश्वचषक विजेत्या प्रशिक्षकाचे मोठे वक्तव्य
चॅम्पियन्स ट्रॉफीमध्ये सर्वाधिक धावा करणाऱ्या खेळाडूंची यादी, रोहितचा क्रमांक कितवा?
इरफान पठाणचा सल्ला: अंतिम सामन्यात न्यूझीलंडच्या ‘या’ दोन खेळाडूंवर खास लक्ष द्या!
