नवी दिल्ली। दक्षिण आफ्रिकेचा मर्यादित षटकांचा कर्णधार क्विंटन डी कॉक याच्यासह अनेक दिग्गज खेळाडूंनी दक्षिण आफ्रिका क्रिकेट बोर्डाला त्यांचे प्रश्न सोडविण्यासाठी आणि आर्थिक व्यवहार्यता धोक्यात आहे अशा क्रिकेटला वाचवण्यास सांगितले आहे. विशेष म्हणजे कोरोना विषाणूमुळे दक्षिण आफ्रिकेत क्रिकेटचे आयोजन केले जात नाही, त्यामुळे क्रिकेट दक्षिण आफ्रिकेची (सीएसए) आर्थिक परिस्थिती बिकट आहे.
क्रिकइंफोमध्ये प्रसिद्ध झालेल्या अहवालानुसार, दक्षिण आफ्रिका क्रिकेटर्स असोसिएशनने (एसएसीए) जारी केलेल्या निवेदनात पुरुष आणि महिला क्रिकेटपटूंनी स्वाक्षरीकृत निवेदन सादर केले आहे.
सीएसएला ज्या मुख्य समस्यांना सामोरे जावे लागत आहे, त्यामध्ये माजी खेळाडूंनी बोर्डावर वर्णाच्या आधारे भेदभाव केल्याचा आरोप आहे. त्याचप्रमाणे भ्रष्टाचाराचा देखील आरोप आहे.
या निवेदनात म्हटले आहे की, “निलंबन, डिसमिसल, राजीनामा, फॉरेन्सिक ऑडिट, गोपनीय माहिती बाहेर येणे, खटला आणि आर्थिक गैरव्यवहार हे क्रिकेटची मथळे बनत आहेत. हे अशा वेळी घडत आहे, जेव्हा आपल्यास परिवर्तनाचे आव्हान आहे आणि आम्ही अशा वातावरणात आहोत जिथे खेळाची आर्थिक व्यवहार्यता धोक्यात आली आहे.”
विशेष म्हणजे ज्येष्ठ क्रिकेटपटू मखाया अँटिनी यांच्यासह अनेक माजी खेळाडूंनी अलिकडच्या काळात वर्णद्वेषाचे आरोप केले आहेत.
निवेदनात म्हटले आहे की, “राजकारण आणि वैयक्तिक स्वारस्य क्रिकेटच्या कारभारावर आणि चांगल्या कारभारावर अधिराज्य गाजवतात. असे निर्णय घ्यावेत जे क्रिकेटच्या हिताचे असतील. जर हे घडत नसेल, तर आम्हाला जो खेळ आवडतो त्या खेळाचे नुकसान होऊ शकते.”
इंडियन प्रीमियर लीग म्हणजेच आयपीएलमध्ये मुंबई इंडियन्सकडून खेळलेला क्विंटन डिकॉक सध्या १३ व्या हंगामात भाग घेण्यासाठी युएईला दाखल झाला आहे. सोबतच संघासह प्रशिक्षण शिबिराचा भाग बनला आहे.
महत्त्वाच्या बातम्या-
-पाकिस्तानची पायाभरणी करणाऱ्या ‘या’ व्यक्तीचा पणतू आहे आयपीएल संघाचा मालक
-धोनीच्या निवडीबाबत माजी प्रशिक्षकाचे मोठे विधान; म्हणतात, गांगुलीची इच्छा…
-इंग्लंडमधील हा क्रिकेटपटू जातीवादामुळे झाला होता आत्महत्या करण्यास प्रवृत्त
ट्रेंडिंग लेख-
-आयपीएल २०२० मध्ये खेळणाऱ्या सर्व संघातील सर्वात महागडे खेळाडू, पहा किंमत
-आयपीएलमध्ये सर्वाधिक वेळा सामनावीर पुरस्कार मिळवलेले ३ खेळाडू; एकाही भारतीयाचा मात्र समावेश नाही
-आयपीएल २०२० : या ४ दिग्गज खेळाडूंना क्वचितच मिळू शकेल खेळण्याची संधी
