ऑस्ट्रेलिया क्रिकेट संघाचा अष्टपैलू गोलंदाज मिशेल मार्शला सोमवारी रॉयल चॅलेंजर्स बेंगलोर (आरसीबी) विरुद्ध सनरायझर्स हैदराबाद (एसआरएच) या सामन्यादरम्यान गोलंदाजी करताना घोट्याला दुखापत झाली. आरसीबीविरुद्ध डावाच्या पाचव्या षटकात गोलंदाजी करत असतांना 28 वर्षीय मार्शच्या दुखापत झाल्यामुळे तो मैदानातून बाहेर गेला. आरसीबीच्या डावाच्या उर्वरित षटकांमध्ये तो गोलंदाजी करताना दिसला नाही.
अष्टपैलू विजय शंकरने त्याच्या षटकातील उर्वरित दोन चेंडू फेकले. फक्त चार चेंडू फेकणारा मार्श यापूर्वीही दुखापतीमुळे त्रस्त झाला होता. यामुळे तो आयपीएलच्या अनेक स्पर्धांमध्ये खेळला नाही.
सामन्याबद्दल बोलायचं झालं, तर आयपीएलमध्ये पदार्पण करणारा युवा फलंदाज देवदत्त पडिक्कल आणि अनुभवी फलंदाज एबी डिविलियर्सने शानदार अर्धशतके केली. युझवेंद्र चहलने केलेल्या शानदार गोलंदाजीमुळे आरसीबी संघाने सनरायझर्स हैदराबादला 10 धावांनी पराभूत केले. आयपीएलमधील पहिला सामना खेळत पडिक्कलने 42 चेंडूंत आठ चौकारांच्या मदतीने 56 धावा केल्या, तर डिविलियर्सने 30 चेंडूंत 51 धावा फटकावल्या, ज्यात चार चौकार व दोन षटकारांचा समावेश होता.
Mitchell marsh had injuried last #IPL Innings SRH vs RCB pic.twitter.com/LygipgbKt0
— _Vinoth_K_ (@Me16053397) September 22, 2020
डावाच्या सुरूवातीस आणि डावाच्या शेवटी खेळल्या गेलेल्या या खेळींमुळे आरसीबी संघाला पाच बाद 163 धावा करता आल्या. त्याला प्रत्युत्तर म्हणून सनरायझर्स संघ 19.4 षटकांत 153 धावांवर बाद झाला होता. इंग्लंड क्रिकेट संघाचा फलंदाज जॉनी बेयरस्टो ( 43 चेंडूत 61 धावा, 6 चौकार, 2 षटकार) आणि मनीष पांडे ( 33 चेंडूत 34 धावा, 3 चौकार, 1 षटकार) यांनी दुसर्या विकेटसाठी 71 धावांची भागीदारी केली होती.
एकवेळ हैद्राबाद संघाची स्थिती 3 बाद 121 धावा अशी होती. परंतु या संघाने 26 चेंडूत 32 धावा करत शेवटचे आठ बळी गमावले. चहलने चार षटकांत 18 धावा देऊन तीन गळी बाद केले . शिवम दुबे (15 धावात दोन बळी) आणि नवदीप सैनी (25 धावात दोन बळी) यांनीही प्रभावी गोलंदाजी केली.
महत्त्वाच्या बातम्या-
-या स्टार खेळाडूंची प्लेयिंग इलेव्हनमध्ये निवड न केल्यामुळे हैद्राबाद संघाला बसला फटका
-हैद्राबाद विरुद्ध बेंगलोर संघातील सामन्यात झाली तब्बल एवढ्या विक्रमांची नोंद; घ्या जाणून
-‘या’ दिवशी करोडो भारतीयांना विराट कोहलीसह मिलिंद सोमण देणार फिटनेस मंत्र
ट्रेंडिंग लेख-
-आयपीएल पदार्पणात अर्धशतक करणारे सर्वात युवा ४ फलंदाज
-पंजाबविरुद्धच्या पहिल्याच सामन्यात दिल्लीचे ‘हे’ ५ खेळाडू खेळले नसते तर काही खरं नव्हतं
-विराट कोहली-डेव्हिड वॉर्नरच्या संघांची संभावित प्लेइंग इलेव्हन, पहा कुणाला मिळेल जागा