आयपीएलच्या १३ व्या मोसमाला आजपासून सुरुवात होत आहे. आज पहिला सामना गतविजेत्या मुंबई इंडियन्स विरुद्ध गतउपविजेत्या चेन्नई सुपर किंग्स संघात होणार आहे. हा सामना अबुधाबीमध्ये भारतीय प्रमाणवेळेनुसार संध्याकाळी ७.३० वाजता होणार आहे.
या सामन्यात काही स्टार खेळाडूंना मोठे विक्रम करण्याची संधी आहे. त्याच विक्रमांचा या लेखात आढावा घेतला आहे.
आज होऊ शकतात हे विक्रम –
- आज जर चेन्नई सुपर किंग्सचा वेगवान गोलंदाज ड्वेन ब्रावोने ३ विकेट्स घेतल्या तर तो आयपीएलमध्ये १५० विकेट्सचा टप्पा पार करेल. हा टप्पा पार करणारा तो पाचवा गोलंदाज ठरेल. याआधी लसिथ मलिंगा(१७०), अमित मिश्रा (१५७), हरभजन सिंग(१५०) आणि पियुष चावला(१५०) यांनी हा टप्पा पार केला आहे. सध्या ब्रावोच्या आयपीएलमध्ये १४७ विकेट्स आहेत.
- आज जर ब्रावोने ३ किंवा त्यापेक्षा अधिक विकेट्स घेतल्या तर तो आर अश्विनला मागे टाकत चेन्नई सुपर किंग्सकडून सर्वाधिक विकेट्स घेणारा गोलंदाज ठरेल. सध्या अश्विन सीएसकेकडून सर्वाधिक विकेट्स घेणारा गोलंदाज आहे. त्याने १२० विकेट्स घेतल्या आहेत. तर ब्रावोने ११८ विकेट्स घेतल्या आहेत.
- आज जर जडेजाने ७३ धावा केल्या तर तो आयपीएलमध्ये २००० धावा पूर्ण करेल. तसेच आयपीएलमध्ये २००० धावा करणारा आणि १०० किंवा त्यापेक्षा अधिक विकेट्स घेणारा पहिला क्रिकेटपटू ठरेल.
- जर आज मुंबई इंडियन्सचा कर्णधार रोहित शर्माने १०२ किंवा त्यापेक्षा अधिक धावा केल्या तर तो आयपीएलमध्ये ५००० धावा पूर्ण करेल. जर असे झाले तर तो आयपीएलमध्ये ५००० धावा करणारा तिसरा फलंदाज ठरेल. याआधी विराट कोहली(५४१२) आणि सुरेश रैना(५३६८) यांनी आयपीएलमध्ये ५००० धावांचा टप्पा पार केला आहे.
- आज जर एमएस धोनीने ३ किंवा त्यापेक्षा अधिक षटकार मारले तर तो आयपीएलमध्ये सर्वाधिक षटकार मारणाऱ्या क्रिकेटपटूंच्या यादीत एबी डिविलियर्सला मागे टाकत दुसऱ्या क्रमांकावर येईल. सध्या या यादीत ख्रिस गेल(३२६) अव्वल क्रमांकावर असून डिविलियर्स (२१२) दुसऱ्या क्रमांकावर आहे. तर धोनी २०९ षटकारांसह तिसऱ्या क्रमांकावर आहे.
महत्त्वाच्या बातम्या-
-दीपक चाहराने १५ वर्षांचा जुना फोटो केला शेअर; शेन वॉट्सनसाठी दिला ‘हा’ खास संदेश
-अखेर ऋतुराज गायकवाड पहिला सामना खेळणार की नाही याचे उत्तर मिळाले
-काय सांगता! वयाच्या २५व्या वर्षीच वैतागून ‘त्याने’ केला क्रिकेटला टाटा बाय बाय
ट्रेंडिंग लेख-
-‘या’ ६ खेळाडूंच्या प्रदर्शनावर अवलंबून असेल आजच्या आयपीएल सामन्याचा निकाल
-पहिलाच सामना जिंकायला धोनी ‘या’ ११ खेळाडूंना घेऊन उतरणार मैदानात
-आयपीएल २०२०: सर्व ८ संघांच्या खेळाडूंची संपूर्ण यादी
