मुंबई । इंग्लंड क्रिकेट संघाचा अनुभवी वेगवान गोलंदाज स्टुअर्ट ब्रॉडने कसोटी क्रिकेटमध्ये विशेष स्थान मिळवले आहे. वेस्ट इंडिजविरुद्ध खेळल्या जाणार्‍या कसोटी मालिकेतील शेवटच्या सामन्यात ब्रॉडने आपला 500 वा कसोटी विकेट घेण्याचा कारनामा केला. त्याच्या कामगिरीच्या जोरावर इंग्लंडच्या संघाने वेस्ट इंडिजवर 2-1 अशा फरकाने मालिका जिंकली. ब्रॉडने आतापर्यंत इंग्लंडकडून चमकदार कामगिरी केली आहे.
स्टुअर्ट ब्रॉडला वेस्ट इंडिजविरुद्ध साऊथॅम्प्टनच्या पहिल्या कसोटी सामन्यात संघाबाहेर ठेवल्याने त्याने निवृत्तीचा विचार केल्याचे उघड केले आहे. इंग्लंड आणि वेस्ट इंडीज यांच्यात साऊथॅम्प्टन येथे खेळल्या गेलेल्या पहिल्या कसोटी सामन्यात ब्रॉडला अंतिम संघात देण्यात आले नाही, तर जेम्स अँडरसन, जोफ्रा आर्चर आणि मार्क वुड यांना संघात स्थान देण्यात आले. हा सामना विंडीजने चार गडी राखून जिंकला.
यानंतर पुढच्या दोन कसोटी सामन्यांमध्ये ब्रॉडचा संघात समावेश करण्यात आला. या संधीचा पुरेपूर फायदा घेत त्याने 16 विकेट्स घेतल्या. तिसर्‍या कसोटी सामन्यात त्याला सामनावीर आणि मालिकावीर म्हणून गौरविण्यात आले. तिसर्‍या कसोटी सामन्यात 10 विकेट्ससह कसोटी क्रिकेटमध्ये 500 बळीचा विक्रम पूर्ण करण्याचे कामही ब्रॉडने केले. ब्रॉडच्या या कामगिरीमुळे इंग्लंडने मालिका 2-1 ने जिंकली.
ब्रॉड म्हणाला की, “पहिल्या कसोटीत बाहेर बसविल्यानंतर निवृत्ती घेण्याचा विचार केला होता. कारण मी खूप निराश होतो. मी यापूर्वी इतका निराश झालो नाही. यापूर्वी यापूर्वी मला संघातून वगळण्यात आले, म्हणून मला इतके वाईट वाटले नाही, मला वाटले की हा योग्य निर्णय आहे. मी कधीही वाद घातला नाही. ज्यावेळी बेन स्टोक्सने मला सांगितले की मी संघात नाही, तेव्हा मला धक्का बसला. मी फारच कमी बोलतो. सामन्यात खेळेन अशी अपेक्षा होती.”
500 कसोटी बळी मिळविणारा जगातील सातवा गोलंदाज ठरलेल्या ब्रॉडने सांगितले की, 10 वर्षांपूर्वीच्या तुलनेत तो एक चांगला खेळाडू बनला आहे. आता त्याचे लक्ष 600 बळी घेण्यावर आहे. जेम्स अँडरसनने 500 बळी पूर्ण केले तेव्हा ते 35 वर्षे एक महिन्याचा होत पण ब्रॉडने हा विक्रम 34 वर्षे एक महिन्याचा असताना केला. जिमी आता 600 बळींच्या जवळपास आहे.