अहमदाबादच्या नरेंद्र मोदी स्टेडियममध्ये झालेल्या भारत आणि इंग्लंड यांच्यातील ५ सामन्यांच्या टी-२० मालिकेत भारतीय संघाने ३-२ ने विजय मिळवला. या मालिकेत युवा खेळाडूंचा बोलबाला होता. कर्णधार विराट कोहलीने इशान किशन आणि सूर्यकुमार यादव यांना संघात संधी दिली होती. दोघांनीही आपल्या पहिल्याच सामन्यात अर्धशतक झळकावले.
यानंतर सूर्यकुमारची इंग्लंडविरुद्ध होणाऱ्या ३ वनडे सामन्यांच्या मालिकेसाठी देखील निवड करण्यात आली आहे. अशातच पहिल्या सामन्यात त्याला अंतिम ११ खेळाडूंमध्ये संधी मिळणार का? याबाबत कोहलीने स्पष्टीकरण दिले आहे.
इंग्लंडविरुद्ध झालेल्या दुसऱ्या टी-२० सामन्यात सूर्यकुमारला पदार्पण करण्याची संधी देण्यात आली होती. परंतु त्याला फलंदाजी करण्याची संधी मिळाली नव्हती. त्यानंतर पुढील सामन्यात त्याला संघाबाहेर करण्यात आले होते. त्यानंतर चौथ्या आणि पाचव्या सामन्यात मिळालेल्या संधीचे सोने करत त्याने संघासाठी महत्वाची खेळी केली.
इंग्लंडविरुद्ध होणाऱ्या वनडे मालिकेसाठी देखील त्याची निवड करण्यात आली आहे. मात्र पहिल्या सामन्यात प्लेइंग इलेव्हनमध्ये त्याला संधी मिळणार का? याबाबत बोलताना विराट म्हणाला, “सूर्या ज्याप्रकारे खेळत आहे. त्यानुसार त्याच्यासाठी संघात जागा निर्माण करण्यासाठी मी काहीही करण्यास तयार आहे.”
तसेच तो पुढे म्हणाला, “मी तिसऱ्या आणि चौथ्या क्रमांकावर फलंदाजी केली आहे. परंतु मी सलामी फलंदाज म्हणून माझी भूमिका जाणून घेण्याचा प्रयत्न करत आहे. टी-२० क्रिकेटमध्ये मी ही जबाबदारी यशस्वीरीत्या पार पाडली आहे. यामुळे चांगली कामगिरी करत असलेल्या सूर्यकुमारसारख्या खेळाडूंना आपला नैसर्गिक खेळ खेळण्याची संधी मिळते. जर तो तिसऱ्या क्रमांकावर असाच खेळत राहील तर मी संघासाठी कुठलीही भूमिका पार पाडण्यास तयार आहे. आम्ही आगामी टी२० विश्वचषक जवळ असेल तेव्हा यावर चर्चा करू.”
एकदिवसीय मालिकेसाठी भारतीय संघ
विराट कोहली (कर्णधार), रोहित शर्मा (उपकर्णधार), शिखर धवन, शुबमन गिल, श्रेयस अय्यर, सूर्यकुमार यादव, हार्दिक पंड्या, रिषभ पंत (यष्टीरक्षक), केएल राहुल (यष्टीरक्षक), युझवेंद्र चहल, कृणाल पंड्या, कुलदीप यादव, वॉशिंग्टन सुंदर, टी नटराजन, भुवनेश्वर कुमार, मोहम्मद सिराज, प्रसिद्ध कृष्णा, शार्दुल ठाकूर
महत्त्वाच्या बातम्या-
सुपरमॅन सिराज! हवेत उंच उडी मारत टिपला नेत्रदिपक झेल; बीसीसीआय म्हणते, ‘हा कोणता पक्षी की विमान?’
वनडे मालिकेपुर्वी श्रेयस अय्यरचा मोठा निर्णय, इंग्लंडकडून खेळणार क्रिकेट; वाचा कारण
INDvENG: पुण्याच्या मैदानावर नाणेफेकीचा किती परिणाम? जाणून घ्या कशी असेल खेळपट्टी आणि वातावरण
