अहमदाबाद। रविवारी (६ फेब्रुवारी) भारत विरुद्ध वेस्ट इंडिज संघात ३ सामन्यांच्या वनडे मालिकेतील पहिला सामना नरेंद्र मोदी स्टेडियमवर खेळला गेला. या सामन्यात भारतीय खेळाडू दंडाला काळी पट्टी बांधून उतरल्याचे दिसले होते. यामागच्या कारण बीसीसीआयकडून आणि बीसीसीआय उपअध्यक्ष राजीव शुक्ला यांनी स्पष्ट केले.
राजीव शुक्ला यांनी दिलेल्या माहितीनुसार भारतरत्न गानकोकिळा लता मंगेशकर यांना श्रद्धांजली वाहण्यासाठी भारतीय खेळाडू पहिल्या वनडेत दंडाला काळी पट्टी बांधून उतरले. तसेच यावेळी राष्ट्रध्वज देखील अर्ध्यावर फडकवण्यात येणार असल्याचे राजीव शुक्ला यांनी सांगितले होते. याशिवाय भारतीय संघाने एक मिनिट मौन देखील पाळले.
याबद्दल बीसीसीआयने ट्वीट करत माहिती दिली की, ‘भारतीय क्रिकेट संघ आज भारतरत्न लता मंगेशकरजी यांच्या सन्मानार्थ दंडाला काळी पट्टी बांधून मैदानात उतरला. मधूर आवाजाची राणी असलेल्या लता दिदींना क्रिकेटबद्दल प्रेम होते. त्यांनी नेहमीच या खेळाचे आणि भारतीय संघाचे समर्थन केले होते.’
The Indian Cricket Team is wearing black armbands today to pay their respects to Bharat Ratna Lata Mangeshkar ji who left for her heavenly abode on Sunday morning. The queen of melody, Lata didi loved cricket, always supported the game and backed Team India. pic.twitter.com/NRTyeKZUDc
— BCCI (@BCCI) February 6, 2022
याबरोबरच सामन्यापूर्वी भारतीय संघाने एक मिनिट शांतता पाळत लता मंगेशकरांना श्रद्धांजली देखील दिली. या क्षणांचा व्हिडिओ बीसीसीआयने शेअर केला आहे.
#TeamIndia members observe a minute silence before start of play to pay their respects to Bharat Ratna Sushri Lata Mangeshkar ji.#RIPLataJi pic.twitter.com/YfP02zyiuA
— BCCI (@BCCI) February 6, 2022
बीसीसीआयने ट्वीट करत देखील लता मंगेशकरांना श्रद्धांजली वाहिली आहे. बीसीसीआयने ट्वीटमध्ये म्हटले की, ‘भारतरत्न लता मंगेशकरत यांच्या निधनाबद्दल संपूर्ण देशाला झालेल्या दु:खात बीसीसीआय सहभागी आहे. सुंदर आवाजाच्या राणीने अनेक दशके देशाला मंत्रमुग्ध केले होते. खेळाच्या चाहत्या असलेल्या आणि भारतीय संघाच्या समर्थक राहिलेल्या लता मंगेशकरांनी संगीताचा माध्यम म्हणून वापर करून जागरूकता निर्माण करण्यात मदत केली होती.’
https://twitter.com/BCCI/status/1490214127289405442
भारताचा १००० वा वनडे सामना
वेस्ट इंडिजविरुद्ध रविवारी झालेला सामना भारतासाठी १००० वा वनडे सामना ठरला होता. १००० वनडे सामने खेळणारा भारत पहिलाच संघ ठरला. भारतापाठोपाठ ऑस्ट्रेलियाने ९५८ वनडे सामने खेळले आहेत. तसेच पाकिस्तानने ९३६ वनडे सामने खेळले आहेत. त्यामुळे हे तीनच संघ सध्या असे आहेत, ज्यांनी ९०० हून अधिक वनडे सामने खेळले आहेत.
महत्त्वाच्या बातम्या –
INDvsWI: भारताचा टॉस जिंकून गोलंदाजीचा निर्णय, दीपक हुडाचे पदार्पण; ‘असे’ आहेत दोन्ही संघ
