भारत विरूद्ध इंग्लंड (India vs England) संघात 5 सामन्यांची टी20 मालिका खेळली जात आहे. त्यातील 2 सामने खेळले गेले आहेत. त्यामध्ये भारतीय संघाने वर्चस्व गाजवत 2-0 ने मालिकेत आघाडी घेतली. आता दोन्ही संघातील तिसरा टी20 सामना राजकोटच्या मैदानावर खेळला जाणार आहे. हा सामना इंग्लंडसाठी ‘करो या मरो’ असणार असणार आहे. दरम्यान राजकोट येथे होणाऱ्या तिसऱ्या सामन्यात भारतीय संघाची प्लेइंग इलेव्हन आणखी घातक असणार आहे.
भारतीय संघाचे फलंदाजी प्रशिक्षक सीतांशू कोटक (Shitanshu Kotak) यांनी मोहम्मद शमी (Mohammed Shami) पूर्णपणे तंदुरुस्त असल्याचे वर्णन केले आहे. तो म्हणाला, “वेगवान गोलंदाज मोहम्मद शमी तंदुरुस्त आहे. तो कधी खेळेल हे संघ व्यवस्थापन ठरवेल. कोलकाता आणि चेन्नई येथे झालेल्या शेवटच्या टी20 सामन्यांमध्ये फिरकीपटूंना अनुकूल खेळपट्ट्या होत्या. या काळात भारताच्या प्लेइंग इलेव्हनमध्ये 5 फलंदाज आणि 3 अष्टपैलू खेळाडू दिसले.”
राजकोटची खेळपट्टी फलंदाजीसाठी अनुकूल असू शकते, जिथे मोहम्मद शमीला त्याच्या क्षमतेची चाचणी घेण्यासाठी तैनात केले जाऊ शकते. राजकोटमध्ये भारतीय संघाचा रेकॉर्ड उत्कृष्ट आहे. अशा परिस्थितीत, जर भारतीय संघाने येथे सामना जिंकला, तर त्यांना मालिकेत 3-0 अशी अजिंक्य आघाडी मिळेल.
5 सामन्यांच्या टी20 मालिकेसाठी भारतीय संघ- सूर्यकुमार यादव (कर्णधार), अक्षर पटेल (उपकर्णधार), संजू सॅमसन (यष्टीरक्षक), अभिषेक शर्मा, तिलक वर्मा, हार्दिक पांड्या, रिंकू सिंह, हर्षित राणा, अर्शदीप सिंग, मोहम्मद शमी, वरुण चक्रवर्ती, रवी बिश्नोई. , वॉशिंग्टन सुंदर, ध्रुव जुरेल (यष्टीरक्षक), शिवम दुबे, रमणदीप सिंग
पहिल्या 2 टी20 सामन्याबद्दल बोलायचे झाले, तर पहिला सामना कोलकाताच्या ईडन गार्डन्सच्या मैदानावर खेळला गेला. या सामन्यात भारताने इंग्लंडला 7 विकेट्सने धूळ चारली. त्यानंतर दोन्ही संघात दुसरा कसोटी सामना चेन्नईच्या चेपाॅक स्टेडियमवर खेळला गेला. दरम्यान दोन्ही संघात अटीतटीची लढत पाहायला मिळाली. 166 धावांच्या आव्हानाचे पाठलाग करताना भारतीय संघासाठी तिलक वर्माने (Tilak Varma) एकतर्फी कामगिरी केली आणि भारताला सामना जिंकून दिला.
महत्त्वाच्या बातम्या-
BBL FINAL; होबार्ट हरिकेन्सने रचला इतिहास, पहिल्यांदाच जेतेपदावर कोरले नाव
बुमराहने रचला इतिहास, 6 वर्षांनंतर भारतीयाने जिंकला ‘कसोटी क्रिकेटर ऑफ द इयर’ पुरस्कार
“एबी डिव्हिलियर्स आयपीएलमध्ये चुकीच्या फ्रँचायझीकडू खेळला” माजी क्रिकेटपटूचा विराटच्या RCBवर निशाणा