मास्टर ब्लास्टर सचिन तेंडुलकरची आई रजनी तेंडुलकर शनिवारी ८३ वर्षांची झाली. तिचा वाढदिवस कुटुंबात कोरोना महामारीच्या दरम्यान साजरा करण्यात आला. सचिनने हा प्रसंग संस्मरणीय बनवला.
मास्टर ब्लास्टर सचिन तेंडुलकरने सोशल मीडियावर दोन छायाचित्रे पोस्ट केली आहेत. पहिल्या छायाचित्रात तो आपल्या आईला केक देत असल्याचे दिसून येत आहे. तर दुसर्या छायाचित्रात त्याचे मोठे भाऊ-बहीण व्हिडिओ कॉलवर सचिन आणि आईशी संवाद साधताना दिसत आहेत.
त्यानी हे दोन छायाचित्र पोस्ट करताना लिहिले की, ‘मजेदार संध्याकाळी माझे सर्व भाऊ व बहिणी आमच्या आईचा ८३ वा वाढदिवस साजरा करण्यासाठी व्हिडिओ कॉलवर आमच्याबरोबर सामील झाले’.
https://www.instagram.com/p/CEeds9hs2F7/
सचिनच्या निवृत्तीवर त्याची आई भावूक झाली होती.
नोव्हेंबर २०१३ मध्ये सचिन तेंडुलकरने सर्व प्रकारच्या क्रिकेट मधून निवृत्ती घेतली. निवृत्तीनंतर त्याची आई भावूक झाली होती. सचिन तेंडुलकरनेही आपल्या बर्याच मुलाखतीत हे सांगितले आहे.
तेंडुलकर निवृत्तीच्या भाषणात म्हणाला होता, “माझी आई, माझ्यासारख्या खोडकर मुलाला कशी सांभाळते हे मला माहित नाही. माझा सांभाळ करणे सोपे नव्हते. ते खूप धैर्यवान काम आहे, आईसाठी सर्वात महत्वाची गोष्ट म्हणजे तिचे मूल सुरक्षित आणि निरोगी आणि तंदुरुस्त असने होय.यासाठी ती सर्वात अस्वस्थ आणि चिंताग्रस्त होती. गेली २४ वर्षे ती माझी काळजी घेत होती, जरी मी भारतासाठी खेळत आहे, पण त्याआधी ज्या दिवशी मी क्रिकेट खेळायला सुरुवात केली त्या दिवसापासून तिने माझ्यासाठी प्रार्थना करण्यास सुरवात केली. तिने फक्त प्रार्थना केली आणि मला वाटते की तिच्या प्रार्थना आणि आशीर्वादांमुळे मला परदेशात जाण्याची आणि कामगिरी करण्याची शक्ती मिळाली आहे, म्हणून मी सर्व त्यागांबद्दल माझ्या आईचे आभार मानू इच्छितो.”
महत्त्वाच्या बातम्या –
चेस ऑलिंपियाड: भारतीय बुद्धिबळपटूंनी रचला इतिहास; पहिल्यांदा पटकावले सुवर्णपदक
….आणि एवढा महान क्रिकेटर श्रीनाथ सचिनची पँट घालूनच उतरला मैदानात
एस श्रीसंत लागला क्रिकेटमध्ये पुनरागमन करण्याच्या तयारीला; शेअर केले व्हिडिओ
ट्रेंडिंग लेख –
वाढदिवस विशेष- भारताचा दिग्गज गोलंदाज जवागल श्रीनाथबद्दल माहित नसलेल्या १० गोष्टी
गोष्ट एका क्रिकेटरची भाग ९: म्हैसुर एक्सप्रेस जवागल श्रीनाथ
टी२० क्रिकेटमधील ‘या’ शानदार विक्रमात विराट कोहलीने टाकलंय रोहित शर्माला मागे, घ्या जाणून
