धनश्री आणि चहलने लावला अफवांवर पूर्णविराम, शेअर केलेला व्हिडिओ होतोय व्हायरल

भारतीय संघाचे प्रतिनिधित्व करणारे सर्वच क्रिकेटपटूंवर चाहते आणि माध्यांचे लक्ष असते. खेळाडूंविषयी कोणतीही छोटी मोठी बातमी समोर आली, तर सोशल मीडियावर देखील त्याविषयी जोरदार चर्चा रंगते. अशाच चर्चा काही दिवसांपूर्वी भारताचा दिग्गज फिरकी गोलंदाज युझवेंद्र चहल आणि त्याची पत्नी धनश्री वर्षा यांच्याविषयी देखील रंगल्या होत्या. या दोघांविषयी काही चुकीच्या अफवा सोशल मीडिया आणि माध्यमांमधून समोर आल्या होत्या. आता त्यांनी एक खास व्हिडिओ शेअर करून या सर्व अफवांवर पूर्णविराम लावण्याचे काम केले आहे. 

नुकत्याच पार पडलेल्या आशिया चषक 2022 (Asia Cup 2022) मध्ये युझवेंद्र चहल (Yuzvendra Chahal) भारतीय संघाचा भाग होता. आशिया चषकात त्याचे प्रदर्शन अपेक्षेप्रमाणे नसले तरी श्रीलंकेविरुद्ध शेवटच्या सामन्यात त्याने तीन विकेट्स घेत चमकदार कामगिरी करून दाखवली होती. परंतु आशिया चषक स्पर्धा सुरू होण्यापूर्वी चहल आणि त्याची पत्नी धनश्री वर्मा (Dhanashree Varma) चांगलीच चर्चेत होते. ही प्रमुख स्पर्धा सुरू होण्यापूर्वी चहल आणि धनश्री वेगळे होणार असल्याचे सांगितले जात होते. या चुकीच्या अफवा थांबवण्यासाठी चहल आणि धनश्रीला स्वतः स्पष्टीकरण द्यावे लागले होते.

अफवांना लागला पूर्णविराम – 
धनश्रीने तिच्या इंस्टाग्राम प्रोफाईलमधून युझवेंद्र चहलचे नाव काढून टाकल्यामुळे मोशल मीडियावर या अफवांना सुरुवात झाली होती. त्यानंतर चहलने देखील ‘नवीन आयुष्याची सुरुवात’ अशा आशयाची एक स्टोरी इंस्टाग्रामवर शेअर केली होती. दोन्हींच्या सोशल मीडिया खात्यावर होणाऱ्या या घडामोठी नेटकऱ्यांनी एकत्र जोडल्या आणि त्यातूनच त्यांच्या घटस्पोटाच्या बातम्या देखील येऊ लागल्या. असे असले तरी, आता सर्वांना समजले आहे की, दोघांच्या नात्यात कसल्याही प्रकारचे वाद नाहीत. या दोघांनी सोशल मीडियावर शेअर केलेल्या या व्हिडिओतून हे स्पष्ट होते.

https://www.instagram.com/reel/CihLkKqgGIn/?utm_source=ig_web_copy_link

दरम्यान, ऑक्टोबर आणि नोव्हेंबर महिन्यात ऑस्ट्रेलियाच्या धरतीवर आयसीसी टी-20 विश्वचषक खेळला जाणार आहे. भारतीय संघ मागच्या वर्षीच्या टी-20 विश्वचषकात चांगली कामगिरी करू शकला नव्हता, पण यावर्षी मात्र संघ विजेतेपद पटकावण्याच्या प्रयत्नात असेल. चहलला विश्वचषक संघात निवडले असून त्याच्याकडून सर्वांनाच चांगल्या प्रदर्शनाच्या अपेक्षा आहेत. तत्पूर्वी भारताला मायदेशात ऑस्ट्रेलिया आणि दक्षिण आफ्रिका संघाविरुद्ध टी-20 मालिका खेळायच्या आहेत. या मालिकांमध्येही चहल कसे प्रदर्शन करतो, यावर सर्वांचे लक्ष असेल.

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या – 
टी20 वर्ल्डकप खेळण्यासाठी आणखी एक देश सज्ज! क्वालिफायर्समध्ये मारली बाजी
पाकिस्तानी फलंदाजाला हलगर्जीपणा पडला महागात, पाहा फ्री हिटमध्ये कशी गमावली विकेट
‘या’ कारणांमुळे हुकली रसेल-नरीनची वर्ल्डकप वारी; निवडकर्ते म्हणतायेत, “आता ते…”