भारताविरुद्ध गरळ ओकणाऱ्या आफ्रिदीचा व्हिडिओ व्हायरल; १० वर्षांपूर्वी सापडला होता चेंडू चावताना…

नवी दिल्ली । पाकिस्तान संघाचा माजी क्रिकेटपटू शाहिद आफ्रिदी भारताविरुद्ध नेहमी वाईट वक्तव्य करत असतो. नुकतेच त्याने भारताचे पंतप्रधान नरेंद्र मोदींबद्दल वाईट विधान केले होते. यानंतर भारतीय क्रिकेटपटूंनी त्याची सोशल मीडियावरुन चांगलीच खरडपट्टी काढली.

हरभजननेदेखील त्याला मर्यादा न ओलांडण्याची चेतावणी दिली होती. तसेच त्याच्याशी मैत्रीही तोडली होती. तरी आफ्रिदी किती वाईट आहे याचा प्रत्यय यूट्यूबवर व्हायरल होत असलेल्या एका जून्या व्हिडिओमध्ये दिसून येत आहे.

२०१० मध्ये ऑस्ट्रेलियाविरुद्धच्या टी२० सामन्यात आफ्रिदी चेंडू दाताने चावताना (कुरतडताना) दिसला होता. चेंडू चावण्यामुळे त्याच्यावर २ वर्षे टी२० मध्ये खेळण्यावर बंदी घातली होती. त्यानंतर त्याने माफीदेखील मागितली होती.

आफ्रिदी (Shahid Afridi) म्हणाला होता की, “मी असे करायला नको होते. हे अचानक घडले. मी सामना जिंकण्यासाठी आपल्या गोलंदाजांची मदत करण्याचा प्रयत्न करत होतो. जगात असा कोणताच संघ नाही जो चेंडूशी छेडछाड करत नाही. माझी पद्धत चूकीची होती. मी जे काही केले त्यामुळे मी दिलगिरी व्यक्त करतो. मला सामना जिंकवायचा होता. परंतु असे करणे चूकीचे होते.”