अफगाणिस्तान क्रिकेट संघाचे सर्व खेळाडू त्यांच्या देशात झालेल्या भूकंपामुळे झालेल्या प्रचंड नुकसानीमुळे बाधित कुटुंबांना मदत करण्यासाठी पुढे आले आहेत. युएईमध्ये सुरू असलेल्या टी-20 तिरंगी मालिकेच्या सामन्यादरम्यान अफगाणिस्तान संघाने भूकंपग्रस्तांच्या सुरक्षिततेसाठी प्रार्थना केली. या दरम्यान, खेळाडूंनी संयुक्त अरब अमिराती (यूएई) विरुद्धच्या सामन्यासाठी सामना शुल्क देण्याची घोषणा केली आहे. संपूर्ण सामना शुल्कासोबतच, खेळाडूंनी त्यांच्या लोकांना वैयक्तिकरित्या मदत केली आहे. या दुर्घटनेत जीव गमावलेल्यांना श्रद्धांजली वाहण्यासाठी अफगाणिस्तान आणि युएईच्या खेळाडूंनी सामन्यापूर्वी एक क्षण मौन पाळले.
1 सप्टेंबर रोजी उशिरा आलेल्या 6.0 तीव्रतेच्या भूकंपाने पूर्व अफगाणिस्तानला हादरवून टाकले, ज्यामध्ये कुनार आणि आसपासच्या प्रांतांमध्ये 800 हून अधिक लोक मृत्युमुखी पडले. याशिवाय, या दुर्घटनेत 2800 हून अधिक लोक जखमी झाले आहेत. उद्ध्वस्त घरे आणि मदत साहित्याअभावी वाचलेले लोक संघर्ष करत आहेत. भारतासह अनेक देश अफगाणिस्तानला मदत करण्यासाठी पुढे आले आहेत. अन्नधान्यांसोबतच इतर देशांच्या सरकारांकडून वैद्यकीय सुविधा देखील पुरवल्या जात आहेत.
AfghanAtalan Stand in Solidarity with Earthquake Victims in Kunar
— Afghanistan Cricket Board (@ACBofficials) September 1, 2025
Ahead of their match against the UAE, AfghanAtalan observed a minute of silence and recited Fatiha in memory of the victims of the devastating earthquake that struck Kunar province in eastern Afghanistan.
Kunar,… pic.twitter.com/MWrU4jCiGq
अफगाणिस्तान क्रिकेट बोर्डाने आपल्या निवेदनात म्हटले आहे की, “अफगाण अटलान (अफगाणिस्तान क्रिकेट संघ) कुनार भूकंपातील पीडितांसोबत एकता दर्शवितो! अफगाणिस्तान संघाने मंगळवारी रात्री झालेल्या युएई विरुद्धच्या सामन्यासाठी संपूर्ण सामना शुल्क आणि कुनार प्रांतात नुकत्याच झालेल्या भूकंपामुळे बाधित कुटुंबांना मदत करण्यासाठी अतिरिक्त देणगी देण्याचे वचन दिले आहे. याशिवाय, खोस्त प्रांतात सुरू असलेल्या प्रादेशिक लिस्ट ए स्पर्धेत सहभागी असलेले खेळाडू देखील उद्या त्यांचे देणगी गोळा करतील. या कठीण काळात कुनारमधील बाधित कुटुंबांना मदत करण्यासाठी हे योगदान त्वरित पाठवले जाईल.”
