मुंबई इंडियन्स संघाने लखनऊ सुपर जायंट्स संघाला इंडियन प्रीमिअर लीग 2023 स्पर्धेत एलिमिनेटर सामन्यात पराभवाची धूळ चारली. यानंतर मुंबईच्या खेळाडू चांगल्या मूडमध्ये असल्याचे दिसत आहे. बुधवारी (दि. 24 मे) चेन्नईच्या एमए चिदंबरम स्टेडिअम येथे लकनऊ सुपर जायंट्स वि. मुंबई इंडियन्स संघात एलिमिनेटर सामना पार पडला. या सामन्यात मुंबईने 81 धावांनी विजय मिळवला. यानंतर मुंबई अंतिम सामन्यात प्रवेश करण्याच्या शर्यतीत कायम आहे. संघाच्या या यशानंतर मुंबई इंडियन्स संघाचे फलंदाज खूपच खुश आहेत. नुकतेच, मुंबईने त्यांच्या अधिकृत सोशल मीडिया अकाऊंटवर एक व्हिडिओ शेअर केला. या व्हिडिओत सूर्यकुमार यादव युवा फलंदाज तिलक वर्मा याच्यासोबत प्रँक करताना दिसत आहे.
तिलक वर्मासोबत प्रँक
कृणाल पंड्या (Krunal Pandya) याच्या नेतृत्वातील लखनऊ सुपर जायंट्स (Lucknow Super Giants) संघाला पराभूत केल्यानंतर मुंबई इंडियन्स (Mumbai Indians) संघ अहमदाबादसाठी रवाना झाला. अहमदाबादच्या विमानातून प्रवास करताना सूर्यकुमार यादव (Suryakumar Yadav) याने तिलक वर्मा (Tilak Varma) याच्यासोबत प्रँक (Prank) केला. यावेळी कर्णधार रोहित शर्मा (Rohit Sharma) याची पत्नी रितिका सजदेह (Ritika Sajdeh) हीदेखील हसू रोखू शकली नाही.
मुंबई इंडियन्स संघाने शेअर केलेल्या या व्हिडिओत दिसते की, सूर्यकुमार विमानातील कर्मचाऱ्याकडे जातो आणि त्यांच्याकडून लिंबूचा एक तुकटा घेऊन येतो. यानंतर तो सीटवर तोंड उघडे ठेवून झोपलेल्या तिलक वर्माच्या तोंडात लिंबू पिळतो. 20 वर्षीय तिलक अचानक झोपेतून उठतो आणि चकित होऊन इकडे-तिकडे पाहू लागतो. तिलकच्या मागील सीटवर कर्णधार रोहित शर्मा याची पत्नी बसलेली असते, जी तोंडावर हात ठेवून आपले हसू रोखण्याचा प्रयत्न करताना दिसत आहे.
मुंबईने हा व्हिडिओ त्यांच्या अधिकृत इंस्टाग्राम अकाऊंटवर शेअर केला आहे. हा व्हिडिओ शेअर करत त्यांनी कॅप्शनमध्ये “चैन से सोना है तो जाग जाओ,” असे लिहिले आहे. म्हणजेच जर तुम्हाला निवांत झोपायचे असेल, तर झोपेतून जागे व्हा असा या कॅप्शनचा अर्थ होतो. आता सोशल मीडियावर चाहते या व्हिडिओवर लाईक्स आणि कमेंट्सचा वर्षाव करत आहेत.
https://www.instagram.com/p/CsqJYbTOwvB/
या व्हिडिओला 7 लाखांहून अधिक लाईक्स मिळाले आहेत. तसेच 3 हजारांहून अधिक कमेंट्सचा वर्षावही झाला आहे. एकाने कमेंट करत लिहिले की, “तिलक भावा तोंड तरी बंद करायचं.” दुसऱ्या एकाने आंब्यावरून ट्रोल होत असलेल्या नवीन उल हकचे नाव न घेता खिल्ली उडवत कमेंट केली की, “हे आहे आम (AAAM) आयुष्य.”
क्वालिफायर 2 सामन्याविषयी थोडक्यात
मुंबई इंडियन्स संघ अहमदाबाद येथे गतविजेत्या गुजरात टायटन्स (Gujarat Titans) संघाविरुद्ध क्वालिफायर 2 (Qualifier 2) सामना खेळणार आहे. हा सामना शुक्रवारी (दि. 26 मे) खेळला जाणार आहे. या सामन्यात जो संघ विजयी होईल, तो अंतिम सामन्यात चेन्नई सुपर किंग्स संघाविरुद्ध दोन हात करताना दिसेल. (cricketer suryakumar yadav hilarious lemon prank leaves sleepy tilak varma all confused mumbai indians players see funny video)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
गुजरातच्या ‘या’ 5 खेळाडूंपासून मुंबईला धोका! धुरंधरांनी गाजवलाय आख्खा हंगाम, कधीही देऊ शकतात मात
पंड्याने CSKविरुद्ध केलेला मास्टरप्लॅन फसला; पुन्हा ‘ती’ चूक केली, तर भंगेल ट्रॉफी जिंकण्याचे स्वप्न!
