धक्कादायक! टिम पेनसह तब्बल १५ क्रिकेटर्सचा सेक्स स्कँडलमध्ये समावेश, सर्वाधिक खेळाडू पाकिस्तानचे

क्रिकेटमध्ये खेळाडूंच्या विविध विक्रमांची चर्चा नेहमीच होत असते, पण त्याचबरोबर खेळाडूंच्या वैयक्तिक आयुष्याबद्दल जाणून घेण्यातही अनेकांना रस असतो. एखादा खेळाडू क्रिकेटच्या मैदानात दिग्गज असला, तरी त्याचे वैयक्तिक आयुष्य तितके चांगले नसल्याचे अनेकवेळा आढळून येते. अनेकांचे व्यक्तिगत आयुष्य वादांनीही भरलेले दिसून आले आहे. क्रिकेटसाठी वाद हा काही नवीन नाही, यापूर्वी क्रिकेटमध्ये अनेकदा वाद झाले आहे, ज्याची शिक्षाही क्रिकेटपटूंना भोगावी लागली आहे.

नुकतेच गेल्या काही दिवसांपासून असेच एक प्रकरण चर्चेत आहे. ते प्रकरण म्हणजे ऑस्ट्रेलियाचा माजी कसोटी कर्णधार टिम पेनने नेतृत्त्वपदाचा दिलेला राजीनामा आणि त्यालावर लावण्यात आलेले आरोप. ऍशेस मालिकेपूर्वी टीम पेनने कसोटी कर्णधारपदाचा राजीनामा दिला आहे. टीम पेनवर एका मुलीला अश्लील मेसेज आणि फोटो पाठवल्याचा आरोप आहे. त्याने 2017 मध्ये ही गोष्ट केली होती. हा मेसेज व्हायरल झाल्यानंतर टीम पेनने आपली चूक मान्य करत सर्वांची माफी मागितली आहे, मात्र या घटनेमुळे त्याने ऑस्ट्रेलियाच्या कसोटी संघाच्या कर्णधारपदाचा राजीनामा दिला आहे.

अशाप्रकारचे आरोप झालेला पेन पहिला क्रिकेटपटू नाही, यापूर्वीही अनेक खेळाडूंवर असे आरोप झाले आहेत. या लेखात आपण ‘सेक्स स्कँडल’मध्ये आरोप झालेल्या क्रिकेटपटूंबद्दल जाणून घेऊ.

1. शाहिद आफ्रिदी
पाकिस्तानी क्रिकेटपटू शाहिद आफ्रिदीचा विशेषत: महिलांमध्ये मोठा चाहतावर्ग आहे. 2000 मध्ये या क्रिकेटपटूने चुकीच्या कारणांमुळे चर्चेतही आला होता. आफ्रिदी, अतीक-उझ-जमानंद आणि हसन रझा यांना काही मुलींसह हॉटेलच्या खोलीत पकडण्यात आले. त्याने स्वत:चा बचाव करण्याचा प्रयत्न केला आणि सांगितले की, मुली ऑटोग्राफ घेण्यासाठी आल्या होत्या. पण ते पाकिस्तान क्रिकेट बोर्डाला पटवून देऊ शकले नाहीत आणि केनियातील आयसीसी चॅम्पियन्स ट्रॉफीसाठी त्यांच्यावर बंदी घातली. आफ्रिदीचे नाव अर्शी खान नावाच्या मॉडेलसह देखील जोडले गेले होते.

2. ख्रिस गेल
वेस्ट इंडिजचा सलामीवीर ख्रिस गेल, जो महान टी20 फलंदाज मानला जातो, तो एकदा त्याच्या हॉटेलच्या खोलीत तीन ब्रिटिश महिलांसोबत चर्चेत आला होता. ही घटना आयसीसी टी-20 विश्वचषक 2012 दरम्यान घडली होती. तसेच गेलने ऑस्ट्रेलियन टीव्ही प्रेझेंटर मेल मॅक्लॉफलिनला ड्रिंक्ससाठी विचारले, तेव्हा देखील मोठा वाद निर्माण झाला होता.

3. शेन वॉर्न
ऑस्ट्रेलियाचा माजी फिरकीपटू शेन वॉर्नचे नाव अनेक सेक्स स्कँडल्समध्ये आले आहे. त्याच्यावर ब्रिटिश नर्सचा छळ केल्याचा आरोप होता आणि काही मॉडेल्ससोबत त्याचे अफेअर होते. मेलबर्नमधून तो एकदा स्ट्रिपरसोबत पकडला गेला. काही दिवसांपूर्वीच त्याच्यावर आणखी एका महिलेने आक्षेपार्ह संदेश पाठवल्याचा आरोप केला होता.

4. केव्हिन पीटरसन
इंग्लंडचा केव्हिन पीटरसनही त्याच्या क्रिकेट खेळण्याच्या काळात सेक्स स्कँडलमध्ये अडकला आहे. त्याने प्लेबॉय मॉडेल व्हेनेसा निम्मोला डेट केले आणि तिला एसएमएसद्वारे सोडून दिले होते. ब्रेकअपमुळे संतापलेल्या निम्मोने पीटरसनबद्दल अनेक धक्कादायक खुलासे केले. ती म्हणाली की केविन सेक्ससाठी आतुर होता आणि दिवसभर तिला त्रास देत असे.

5. इयान बॉथम
सर्वोत्कृष्ट अष्टपैलू खेळाडूंपैकी एक, सर इयान बॉथम यांनी खेळाला एका संपूर्ण नवीन स्तरावर नेले. पण, क्रिकेटच्या मैदानावर ते अधिक परिपूर्ण असताना, बॉथम यांचे मैदानाबाहेर एक निंदनीय जीवन होते. त्यांनी आपल्या पत्नीची फसवणूक केली. बोथमचे एका ऑस्ट्रेलियन वेट्रेससोबतही अफेअर होते. तथापि, माजी मिस बार्बाडोस लिंडी फील्ड यांच्याशी असलेल्या त्याच्या नातेसंबंधाने देखील 1980 च्या दशकात क्रिकेट जगतात वादळ निर्माण केले होते.

6. मोहम्मद शमी
काही वर्षांपूर्वी भारताचा वेगवान गोलंदाज मोहम्मद शमी अडचणीत आला होता, जेव्हा त्याची पत्नी हसीन जहाँने त्याच्यावर विवाहबाह्य संबंधांचा आरोप केला होता. त्यानंतर तिने शमीचे इतर महिलांसोबत चॅट करतानाचे फोटो शेअर केले होते. मात्र, त्याच्यावरील आरोप सिद्ध झाले नाही.

7. बाबर आझम
हमीजा मुख्तार नावाच्या महिलेने पत्रकार परिषदेत पाकिस्तानचा कर्णधार बाबर आझमवर लैंगिक शोषणाचा आरोप केला होता. या महिलेने सांगितले होते की, आझम तिचा शेजारी आणि शाळासोबती होता. बाबर आझमने हमेजाला प्रेमाच्या खोट्या जाळ्यात अडकवून तिचे लैंगिक शोषण केल्याचा आरोप करण्यात आला होता. हमेजा म्हणाली की, बाबर जेव्हा क्रिकेटपटू बनण्यासाठी धडपडत होता, तेव्हा तिने क्रिकेटरवर लाखो रुपये खर्च केले होते.

8.इमाम-उल-हक
माजी क्रिकेटर इंझमाम-उल-हकचा पुतण्या इमाम-उल-हकवर अनेक महिलांची फसवणूक आणि शोषण केल्याचा आरोप आहे. एका ट्विटर वापरकर्त्याने क्रिकेटपटूच्या व्हॉट्सऍप संदेशांचे स्क्रीनशॉट पोस्ट केल्यानंतर संपूर्ण प्रकरण सुरू झाले. अशा परिस्थितीत सोशल मीडियावर काही लोकांनी क्रिकेटरला चुकीचे म्हटले होते, तर काहींनी मुलींवर टीका केली होती. त्याच्यावर एकाच वेळी 8 मुलींसोबत फ्लर्टिंग केल्याचा आरोप होता.

9. शाहीन आफ्रिदी
शाहीन आफ्रिदीवरही असेच आरोप झाले होते. एकाच वेळी अनेक मुलींसोबत प्रेमसंबंध ठेवल्याचा आरोपही त्याच्यावर होता. एका ट्विटर यूजरने शाहीनच्या खाजगी चॅटचा स्क्रीनशॉट पोस्ट केला होता. शाहीनवर आरोप करणाऱ्या फरीहा नावाच्या युजरने लिहिले की, शाहीन आफ्रिदी हे पुढचे मोठे नाव आहे. हे लोक नेहमीच मैदानावर चांगला खेळ का दाखवू शकत नाहीत. तो नेहमी मुलींसोबत फ्लर्ट करतो. मुलींना अडकवण्यासाठी आणि नंतर त्यांच्या शरीराशी खेळण्यासाठी ते त्यांची प्रसिद्धी आणि शक्ती वापरतात.

10. हर्शल गिब्स
हर्शल गिब्स हा त्याच्या काळातील सर्वात आकर्षक क्रिकेटपटू होता. गिब्सने स्वत: त्याच्या ‘टू द पॉइंट’ या आत्मचरित्रात त्याच्या संपूर्ण क्रिकेट कारकिर्दीत त्याच्या लैंगिक आयुष्याविषयी अनेक रहस्ये उघड केली आहेत. ऑस्ट्रेलिया विरुद्ध 1999 च्या विश्वचषक सामन्यापूर्वीच्या एका घटनेचे वर्णन करताना, माजी क्रिकेटपटू म्हणाला की त्याला माहित आहे की तो त्या सामन्यात शतक करेल, कारण मुलीने त्याला खूप प्रेरित केले होते.

11. अब्दुल रज्जाक
खुद्द पाकिस्तानचा माजी क्रिकेटपटू अब्दुल रज्जाकने लग्नानंतर अनेक महिलांसोबत संबंध असल्याचा खुलासा केला होता. एका टीव्ही कार्यक्रमात, 39 वर्षीय माजी क्रिकेटपटूने कबूल केले होते की त्याचे पाच-सहा अफेअर होते, त्यापैकी एका महिलेला तो दीड वर्ष डेट करत होता.

12. डॅरिल टफी
डॅरिल टफी, न्यूझीलंडच्या उत्कृष्ट वेगवान गोलंदाजांपैकी एक, मार्च 2005 मध्ये सेल्युलर शॉपला भेट दिली, जिथे दोन इंग्लिश पर्यटकांनी कथितपणे त्यांच्या मोबाईलचा वापर करून टफीने 23 वर्षीय क्राइस्टचर्चच्या सेल्सवुमनसोबत सेक्स केल्याचे चित्रण केले. ही घटना समोर आल्यानंतर ते इंग्रज पर्यटक कुठेच सापडले नाहीत. तथापि, कथेत सामील असलेल्या महिलेने सांगितले की ती टफीला कधीही भेटली नाही.

13. माईक गॅटिंग
इंग्लंडचा महान कर्णधार माईक गॅटिंग हा शेन वॉर्नच्या ‘बॉल ऑफ द सेंच्युरी’वर बाद झालेला फलंदाज म्हणून ओळखला जातो. तथापि, ट्रेंट ब्रिज येथे वेस्ट इंडिज विरुद्धच्या पहिल्या कसोटीदरम्यान हॉटेलच्या खोलीत लुईस शिपमन या बारमेडशी बेकायदेशीर संबंध असल्याचा आरोप त्याच्यावर झाला, तेव्हा त्याने अधिक लक्ष वेधले. गॅटिंगने आपले निर्दोषत्व कायम ठेवले असले तरी, इंग्लंड आणि वेल्स क्रिकेट बोर्डाने त्याच्या सत्यतेवर विश्वास ठेवला नाही.

14. ल्यूक पोमर्सबॅच
ऑस्ट्रेलियन क्रिकेटर ल्यूक पोमर्सबॅचवर रॉयल चॅलेंजर्स बंगळुरू (RCB) च्या आयपीएल 2012 मधील कार्यकाळात लैंगिक छळाचा आरोप करण्यात आला होता. एका पंचतारांकित हॉटेलमध्ये जोहल हमीद या अमेरिकन नागरिकाशी गैरवर्तन केल्याचा आरोप केल्यानंतर दिल्ली पोलिसांनी त्याला अटक केली. यानंतर त्याला त्याच्या आरसीबी फ्रँचायझीने निलंबितही केले होते. महिलेने दावा केला की खेळाडूने काही मित्रांसह पार्टीसाठी आमंत्रित केले. मात्र नंतर तो तिच्या मागे लागला आणि तिच्याशी गैरवर्तन केले. जेव्हा त्याच्या प्रेयसीने हस्तक्षेप केला, तेव्हा ल्यूकने तिला मारहाण केल्याचा आरोप आहे.

महत्त्वाच्या बातम्या – 

बांगलादेशविरुद्ध अलीने केली २१९ किमी प्रति ताशी वेगाने गोलंदाजी? सोशल मीडियावर उडाली एकच खळबळ

असे ५ क्रिकेटपटू, ज्यांच्या जीवनावर चित्रपट बनल्यास ठरु शकतो ब्लॉकबस्टर

‘ज्यांना संधी मिळालेली नाही, त्यांचीही वेळ येणार’, युवा खेळाडूंना खेळवण्याबाबत रोहित शर्माचे भाष्य