दक्षिण आफ्रिकेविरुद्धच्या चौथ्या टी20 आंतरराष्ट्रीय सामन्यात संजू सॅमसन आणि तिलक वर्मा यांनी अप्रतिम कामगिरी केली. या दोघांनी फलंदाजीचा उत्कृष्ट नमुना सादर केला. या दोघांसमोर आफ्रिकन गोलंदाज टिकू शकले नाहीत. त्यांनी मैदानावर धावांचा पाऊस पाडला आणि टीम इंडियाने 283 धावांची डोंगराएवढी धावसंख्या करून आश्चर्यकारक कामगिरी केली. हे दोन्ही खेळाडू आपल्या फलंदाजीने छाप पाडण्यात यशस्वी ठरले आहेत.
भारतासाठी पहिल्यांदाच, दोन फलंदाजांनी टी20 सामन्यात एकत्र शतके ठोकली
भारतीय संघासाठी टी20 आंतरराष्ट्रीय सामन्यात दोन भारतीय फलंदाजांनी शतके ठोकण्याची ही पहिलीच वेळ आहे. हे यापूर्वी पाहिले नव्हते. आफ्रिकेविरुद्ध अभिषेक शर्मा संजू सॅमसनसोबत सलामीला आला होता. अभिषेकनेही स्फोटक शैलीत धावा केल्या. मात्र तो 36 धावांवर बाद झाला. यानंतर तिलक वर्मा तिसऱ्या क्रमांकावर फलंदाजीला आला. त्यानंतर त्याने संजूसोबत अशा प्रकारे फलंदाजी केली, जो स्वतःच इतिहास आहे. तिलकने 120 तर संजूने 109 धावा केल्या.
वेस्ट इंडिजचा विक्रम मोडला
283 धावा करून भारतीय संघ दक्षिण आफ्रिकेविरुद्ध टी20 आंतरराष्ट्रीय क्रिकेटमध्ये सर्वाधिक धावा करणारा संघ बनला आहे. भारतीय संघापूर्वी आफ्रिकेविरुद्ध एवढी मोठी धावसंख्या कोणत्याही संघाला करता आली नव्हती. भारताने 2023 मध्ये बनवलेला वेस्ट इंडिजचा विक्रम मोडला आहे. विंडीज संघाने 2023 साली आफ्रिकेविरुद्ध टी20 मध्ये 258 धावा केल्या होत्या.
याशिवाय भारतीय संघाने आंतरराष्ट्रीय टी20 मध्ये आपला दुसरा सर्वोच्च धावसंख्या केली आहे. याआधी 2024 साली भारताने बांग्लादेशविरुद्धच्या टी20 सामन्यात 297 धावा केल्या होत्या.
टी20 मध्ये टीम इंडियाचे सर्वात मोठे स्कोअर:
बांग्लादेशविरुद्ध- 297 धावा, 2024
दक्षिण आफ्रिकेविरुद्ध- 283 धावा, 2024
श्रीलंकेविरुद्ध – 260 धावा, 2017
वेस्ट इंडिजविरुद्ध 244 धावा, 2016
हेही वाचा-
टीम इंडियाचा ऐतिहासिक विजय, आफ्रिकेचा दारुण पराभव, मालिका 3-1 ने खिश्यात
संजू सॅमसन, तिलक वर्माचे झंझावाती शतक! भारताने दक्षिण आफ्रिकेपुढे उभारला 283 धावांचा डोंगर
13 वर्षांचा मुलगा ऑक्शनमध्ये उतरणार! मेगा लिलावातील सर्वात तरुण आणि सर्वात वयस्कर खेळाडू जाणून घ्या
