आनंदाची बातमी: या दिवशी होणार आयपीएलचा अंतिम सामना; १० डबल हेडर्सचा असणार समावेश

आज (२ ऑगस्ट) आयपीएल गव्हर्निंग काऊंसिलची बैठक पार पडली असून यामध्ये आयपीएलबाबत २०२० महत्त्वाचे निर्णय घेण्यात आले आहेत. या बैठकीत आयपीएलच्या १३ व्या हंगामाचे आयोजन १९ सप्टेंबर ते १० नोव्हेंबर या कालावधीत होणार असल्याच्या निर्णय घेतला आहे. त्याचबरोबर आयपीएलमध्ये १० डबल हेडर (एका दिवशी २ सामने) असतील. भारतीय प्रमाणवेळेनुसार संध्याकाळचे सामने संध्याकाळी ७.३० वाजता सामने सुरू होतील.

आयएएनएसशी बोलताना बीसीसीआयच्या अधिकाऱ्याने सांगितले की, अंतिम सामना १० नोव्हेंबरला खेळताना पाहायला मिळेल.

“आम्ही ठरवले आहे की यावेळी १० नोव्हेंबरपर्यंत स्पर्धा होईल आणि त्यामुळे यावेळी अंतिम सामना पहिल्यांदाच रविवारी होणार नाही. तसेच प्रवास आणि बायो सिक्यूअर वातावरण लक्षात घेऊन सामन्यांमध्ये पुरेसे अंतर ठेवण्यात आले आहे. हे सर्व लक्षात घेऊन यावेळी १० डबल हेडर ठेवण्यात आले आहेत,” असे अधिकाऱ्याने स्पष्ट केले.