मुंबई । कोरोनाव्हायरस मुळे आयपीएलचा 13 वा हंगाम यंदा युएईमध्ये होणार आहे. पण आता आयपीएल खेळणे चेन्नई सुपर किंग्जसाठीही एक भयानक स्वप्न बनत आहे. दीपक चहरसह चेन्नई सुपर किंग्जच्या 12 सदस्यांना कोरोनाची लागण झाली आहे. त्यानंतर संघाचा स्टार खेळाडू सुरेश रैना वैयक्तिक कारणास्तव भारतात परतला आणि आयपीएलच्या या हंगामात आता खेळणार नाही.
यानंतर चेन्नई सुपर किंग्जसाठी आणखी एक वाईट बातमी समोर येत आहे. आयपीएलच्या 13 व्या हंगामातील सलामीचा सामना चेन्नई संघ कदाचित खेळणार नाही.
आधी आयपीएलचा 13 वा हंगाम मार्चमध्ये सुरु होणार होता, जो कोरोना व्हायरसच्या संकटामुळे पुढे ढकलण्यात आला. त्यावेळी बीसीसीआयच्या वेळापत्रकानुसार, आयपीएलच्या 13 व्या हंगामातील सलामीचा सामना, चार वेळा आयपीएल जिंकणारा मुंबई इंडियन्स आणि तीन वेळा जिंकणारा चेन्नई सुपर किंग्ज यांच्यात खेळला जाणार होता. इतकेच नव्हे तर धोनी निवृत्त झाल्यानंतर मुंबई इंडियन्सचा कर्णधार रोहित शर्मा यांनेही आपल्या ट्वीटमध्ये स्पष्ट केले होते की, ‘युएई मधील आयपीएलचा सलामीचा सामना 19 सप्टेंबर रोजी त्याचा मुंबई इंडियन्स संघ आणि सीएके यांच्यात खेळला जाईल.’
इनसाइड स्पोर्टच्या वृत्तानुसार, बीसीसीआयने सीएसकेला अधिक वेळ देण्यासाठी वेळापत्रक बदलण्याचा निर्णय घेतला आहे. सीएसकेचा संघ अजून सहा दिवस क्‍वारंटाइनमध्ये राहणार आहे. क्‍वारंटाइनचा कालावधी संपल्यानंतर सर्व खेळाडूंची कोरोना टेस्ट होईल. तो अहवाल निगेटिव्ह आल्यानंतर खेळाडू मैदानात उतरतील.
बीसीसीआयच्या एका अधिकार्‍याने सांगितले की, सीएसकेचा संघ अद्याप आयपीएलचा सलामीचा सामना खेळण्याच्या स्थितीत नाही. या सर्वामधून बाहेर येण्यासाठी सीएसकेला आणखी काही दिवस दिले जातील. युएईला रवाना होण्यापूर्वी, चेन्नई सुपर किंग्जने चेपॉक येथे पाच दिवसांच्या शिबिराचे आयोजन केले होते. त्यानंतर संघ युएईला रवाना झाला. युएईमध्ये आल्यापासून संपूर्ण संघ क्‍वारंटाइनमध्ये आहे.
महत्त्वाच्या बातम्या-
हॉटेलची रुम नीट नसल्याने व धोनीशी वाद झाल्याने रैना दुबईतून भारतात परतला?
…म्हणून १७ वर्षे खेळू शकलो, अँडरसनने स्वत: केले हे रहस्य उघड
इंग्लंडला बसला मोठा धक्का; हा स्टार खेळाडू ४ महिने रहाणार क्रिकेटपासून दूर, हे आहे कारण
ट्रेंडिंग लेख –
आयपीएलच्या तेराव्या हंगामात चेन्नई अडकलीय दुविधेत; पहा काय आहेत त्यामागील ३ कारणे
सुरैश रैनाऐवजी यंदा हे ३ खेळाडू बनू शकतात चेन्नई सुपर किंग्सचे उपकर्णधार
वाढदिवस विशेष : विराट नसता तर बद्रीनाथ असता
