काही दिवसांपूर्वीच आयपीेल २०२२चा हंगाम पूर्ण झाला आहे. आयपीएल ही जगातील सरावात जास्त पाहिली जाणारी क्रिकेट लीग असल्याचे काही वृत्तसंस्थांकडून सांगण्यात आले होते. आता याच दाव्याला काही प्रमाणात बीसीसीआयचे अध्यक्ष सौरव गांगुली यांनी दुजोरा दिला आहे.
भारतीय क्रिकेट नियामक मंडळाचे (बीसीसीआय) अध्यक्ष सौरव गांगुली यांनी म्हटले आहे की, “इंडियन प्रीमियर लीग (आयपीएल) प्रतिष्ठित फुटबॉल स्पर्धेच्या इंग्लिश प्रीमियर लीग (ईपीएल) पेक्षा अधिक कमाई करते.” आयपीएल (आयपीएल)च्या शेवटच्या हंगामात २ नवीन संघ जोडले गेले ज्यात गुजरात टायटन्सनेही विजेतेपद पटकावले. दुसरा संघ लखनौ सुपर जायंट्स होता जो त्यांच्या पहिल्याच सत्रात प्लेऑफसाठी पात्र ठरला होता.
१० संघांच्या स्पर्धेने आयपीएल मधील एकूण सामन्यांची संख्या ७४ (७० लीग + ४ नॉकआउट) वर नेली. या लीगची २००८ मध्ये सुरुवात झाल्यापासून प्रथमच २ महिन्यांपेक्षा जास्त कालावधीत ही स्पर्धा घेण्यात आली. अहमदाबादच्या नरेंद्र मोदी क्रिकेट स्टेडियमवर अंतिम सामना खेळला गेला जिथे हार्दिक पांड्याच्या नेतृत्वाखालील संघ गुजरातने राजस्थान रॉयल्सचा पराभव करून विजेतेपद पटकावले. अंतिम सामना पाहण्यासाठी स्टेडियममध्ये १ लाखाहून अधिक प्रेक्षक उपस्थित होते.
भारताचा माजी कर्णधार सौरव गांगुली इंडिया लीडरशिप कौन्सिल इव्हेंटमध्ये म्हणाला की, “मी खेळ वाढताना पाहिला आहे, जिथे माझ्यासारख्या अनेक खेळाडूंनी काही शतके झळकावली आहेत आणि आता त्यांच्यात कोटी कमावण्याची क्षमता आहे. हा खेळ चाहत्यांकडून, या देशातील लोकांद्वारे आणि क्रिकेट चाहत्यांनी तयार केलेल्या बीसीसीआयने चालवला आहे. हा खेळ मजबूत आहे आणि पुढेही वाढत जाईल. इंग्लिश प्रीमियर लीगपेक्षा आयपीएल अधिक कमाई करते. मला आवडणारा खेळ इतका मजबूत झाला आहे याचा मला आनंद आणि अभिमान वाटतो.”
दरम्यान, सौरव गांगुली यांनी सागितल्या गोष्टीत सत्यता अल्यास काही काळातच आयपीएल इंग्लिश सुपर लीगची जागा घेऊ शकते अशी आशा व्यक्त केली जात आहे. त्यामुळे आगामी काळात आयपीएलला जागतिक स्तरावर आदराचे स्थान आपसुकच मिळण्याची शक्यता आहे.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
हेही वाचा-
महिलेच्या गंभीर आरोपांनंतर रोनाल्डोबाबत न्यायालयाची मोठी ऍक्शन, वाचा काय घेतलाय निर्णय
धोनीचा ‘हा’ विक्रम करण्याची डिकॉकची सुवर्णसंधी हुकली
ब्रावोच ठरतोय टी२०चा खरा ‘चॅम्पियन!’ खतरनाक यॉर्कर टाकत केले फलंदाजाला गारद
