ऑस्ट्रेलिया क्रिकेट संघाचा अष्टपैलू खेळाडू मिशेल मार्शला सोमवारी रॉयल चॅलेंजर्स बेंगलोर विरुद्ध सनरायझर्स हैदराबाद या सामन्यादरम्यान गोलंदाजी करताना घोट्याला दुखापत झाली. त्याची ही दुखापत गंभीर असल्याचे दिसत आहे. त्यामुळे असे म्हटले जात आहे की, तो आयपीएल २०२०मधील उर्वरित सामने खेळू शकणार नाही. Mitchell Marsh may be ruled out of entire IPL due to ankle injury
बेंगलोरने प्रथम फलंदाजी करताना २० षटकात ५ विकेट्स गमावत १६३ धावा केल्या. त्यानंतर बेंगलोरच्या १६४ धावांच्या आव्हानाचा पाठलाग करत असताना हैद्राबाद संघाला १९.४ षटकात केवळ १५३ धावाच करता आल्या. त्यामुळे हैद्राबादने तो सामना १० धावांनी गमावला.
दरम्यान बेंगलोरचा डाव चालू असताना हैद्राबादचा कर्णधार डेव्हिड वॉर्नरने मार्शला ५वे षटक टाकण्यासाठी पाठवले. पण तो पूर्ण षटकातील केवळ ४ चेंडू टाकू शकला. मार्शच्या षटकातील दूसऱ्या चेंडूवर बेंगलोरचा फलंदाज ऍरॉन फिंचने शॉट मारला. तो शॉट अडवण्यासाठी मार्शने डाइव्ह मारली. दरम्यान त्याच्या पायाच्या घोट्याला दुखापत झाली. त्यानंतर पुढे तो फक्त २ चेंडूच टाकू शकला आणि डावातून बाहेर झाला.
असे असले तरी, हैद्राबाद संघाची फलंदाजी चालू असताना मार्श १०व्या क्रमांकावर फलंदाजीसाठी उतरला. पण त्याच्या दुखापतीमुळे त्याला हवी तशी फलंदाजी करता आली नाही आणि तो शून्यावर बाद झाला.
माध्यमातील वृत्तांनुसार, मार्शच्या घोट्याला झालेली दुखापत गंभीर असण्याची शक्यता आहे. त्यामुळे तो पुढील सामने खेळू शकणार नाही. पण या गोष्टीची अजूनही अधिकृत घोषणा करण्यात आली नाही.
जर मार्श पुढील आयपीएल सामने खेळू शकला नाही, तर हैद्राबाद संघाला मोठा झटका लागू शकतो. त्याच्या जागी ३७ वर्षीय ऑस्ट्रेलियन खेळाडू डॅनियल क्रिश्चियनला संघात स्थान दिले जाऊ शकते. त्याने आतापर्यंत आयपीएलमध्ये ४० सामने खेळले आहेत. तो मधल्या फळीत फलंदाजी करण्याबरोबर वेगवान गोलंदाजीही करु शकतो. तसेच, अफघानिस्तानचा दमदार टी२० अष्टपैलू खेळाडू मोहम्मद नबी याचा पर्यायदेखील संघाकडे उपलब्ध आहे.
महत्त्वाच्या बातम्या –
शून्यावर बाद होऊनही आयपीएलमध्ये फलंदाजाचे पहिल्यांदाच होतेय जोरदार कौतूक
२-३ वर्षांचा गॅप राहूनही ठोकले अर्धशतक, आता स्वत:च्याच खेळीबद्दल वाटतंय आश्चर्य!
कोहलीला बाद करणे क्रिकेटरला पडले पथ्यावर, दिग्गजांच्या यादीत झाला समावेश
ट्रेंडिंग लेख –
१९९२ क्रिकेट विश्वचषकाची दुसरी ओळख म्हणजे मार्टिन क्रो
सनरायझर्स हैद्राबाद संघाच्या पराभवाची ‘ही’ आहेत ५ कारणे, घ्या जाणून…