असे म्हणतात की ‘मुलाचे पाय पाळण्यातच दिसतात’. मग तो अशा घरात जन्मला, ज्यात वेगवान गोलंदाजांची संपूर्ण फौजच होती. वडील वेगवान गोलंदाज, सर्व भाऊ वेगवान गोलंदाज, किंतु जे वडील आणि बाकीचे भाऊ करू शकले नाहीत, ते त्याने करुन दाखवले. तो म्हणजे अजून कोणी नसून मोहम्मद शमी आहे. शमीने भारतीय संघाचा स्टार वेगवान गोलंदाज बनून त्याच्यातील प्रतिभा सिद्ध केली. आता तुम्ही म्हणाल की, आज शमीचा अचानक इतका उल्लेख कसा? तो तर ओव्हलवर सुरू असणाऱ्या इंग्लंडविरुद्धच्या चौथ्या कसोटीतही खेळत नाहीये.
तर मित्रांनो, आज ३ सप्टेंबर म्हणजे शमीचा वाढदिवस आहे. वर्ष १९९० मध्ये जन्मलेला, भारतीय संघाचा हा रिव्हर्स स्विंग तज्ञ आज ३१ वर्षांचे झाला आहे. शमीने आंतरराष्ट्रीय क्रिकेटला ८ वर्षे दिली आहेत. पण या आठ वर्षांत शमीने क्रिकेटविश्वात आपल्या नावाचा दबदबा निर्माण केला आहे. म्हणूनच आज त्याची गणना भारतीय संघाच्या सर्वात मोठ्या खेळाडूंमध्येही होते.
तसे, या स्टार वेगवान गोलंदाजाचा भारतीय संघापर्यंत पोहोचण्याचा प्रवास सोपा नव्हता. गाण्यातील ही एक ओळ आहे – ‘कांटों पर चलके मिलेंगे साए बहार के’ … अगदी असेच शमीलाही यश मिळाले, पण त्याच्या राज्यातून नाकारण्यात आल्यानंतर. वास्तविक, शमी मूळचा उत्तर प्रदेशातील अल्मोडा जिल्ह्यातील सहसपूर गावातील आहे. त्याचे वडील जे तरुणपणात वेगवान गोलंदाज होते, ते आता शेतकरी आहेत. शमीला एक भाऊ आहे आणि तोही वेगवान गोलंदाज आहे. पण शमी त्याच्या भावांपेक्षा जरा वेगळा होता. २००५ मध्ये, जेव्हा त्याच्या वडील तौशिफ अली यांना हे जाणवले, तेव्हा ते शमीला मुरादाबाद येथील क्रिकेट अकादमीमध्ये घेऊन गेले. यानंतर, जेव्हा उत्तर प्रदेशमध्ये राजकारणामुळे शमीच्या क्षमतेकडे दुर्लक्ष केले गेले आणि त्याची १९ वर्षांखालील संघात निवड झाली नाही. तेव्हा तो बंगालकडे वळला आणि तिथल्या स्थानिक क्लबबरोबर खेळायला सुरुवात केली.
शमी जेव्हा मोहन बागान क्लब ऑफ बंगालचा भाग होता, त्यावेळी त्याला सौरव गांगुलीला नेटमध्ये गोलंदाजी करण्याची संधी मिळाली. शमीचे गोलंदाजी कौशल्य पाहून गांगुली स्तब्ध झाला. त्याने बंगाल क्रिकेटच्या निवडकर्त्यांना शमीवर विशेष लक्ष ठेवण्यास सांगितले. त्यानंतर वर्ष २०१० मध्ये शमीला बंगालच्या रणजी संघात स्थान मिळाले आणि येथूनच भारतीय संघामध्ये त्याच्या प्रवेशाचा प्रवास सुरू झाला.
शमीने जानेवारी २०१३ मध्ये पाकिस्तानविरुद्धच्या एकदिवसीय सामन्यातून आंतरराष्ट्रीय क्रिकेटमध्ये पदार्पण केले. या सामन्यात शमीने ४ षटक निर्धाव टाकली होती. पहिल्याच आंतरराष्ट्रीय एकदिवसीय सामन्यात असे करणारा तो पहिला भारतीय गोलंदाज ठरला होता. नोव्हेंबर २०१३ मध्ये शमीने वेस्ट इंडिजविरुद्ध पहिला कसोटी सामना खेळला आणि कोलकाता येथे खेळलेल्या त्या सामन्यात ११८ धावा देऊन ९ विकेट्स घेतल्या.
गुडघ्याला दुखापत असूनही शमीने केवळ देशासाठी २०१५ चा क्रिकेट विश्वचषक खेळला. इतकेच नाही तर त्याने १७.२९ च्या सरासरीने १७ बळी देखील घेतले. २०१९ मध्ये, तो सर्वात जलद १०० वनडे विकेट घेणारा भारतीय गोलंदाज बनला. त्यामुळे त्यावर्षी खेळल्या गेलेल्या क्रिकेट विश्वचषक सामन्यात अफगाणिस्तानविरुद्ध हॅट्रिक करून, भारताला ५० वा विजय मिळवून दिला. शमी भारताचा एकदिवसीय सामन्यात हॅट्रिक घेणारा चौथा गोलंदाज आणि एकदिवसीय विश्वचषकातील दुसरा गोलंदाज ठरला.
आज शमी भारतीय वेगवान गोलंदाजीचा अविभाज्य भाग बनला आहे. तो भारतीय क्रिकेटचा मॅच विनर गोलंदाज आहे. २०१८-१९ मध्ये दक्षिण आफ्रिका, ऑस्ट्रेलिया आणि इंग्लंड दौऱ्यावर, त्याने प्रत्येक जलद खेळपट्टीवर ६ किंवा त्याहून अधिक विकेट्स घेतल्या आहेत. मग ती खेळपट्टी जोहान्सबर्ग, साउथम्प्टन किंवा पर्थची असो. सध्याच्या इंग्लंड दौऱ्यावरही लॉर्ड्स कसोटीत शमीची धारदार गोलंदाजी दिसून आली आहे.
महत्त्वाच्या बातम्या-
बड्डे स्पेशल: ६० च्या दशकातील वेस्ट इंडिज संघाचे संकटमोचक बसील बूचर
वाढदिवस विशेष: वयाच्या तिशीतच आयर्लंडचा दिग्गज झालेला ‘पॉल स्टर्लिंग’
आजोबा, मुलगा व नातू अशा तीन पिढ्या क्रिकेट खेळलेल्या घरातील नातवाची गोष्ट
