रमजानमध्ये रोजा न पाळल्याने भारतीय क्रिकेटपटू मोहम्मद शमी अडचणीत सापडला आहे. आता मौलाना शहाबुद्दीन रझवी बरेलवी यांनी शमीला गुन्हेगार घोषित केले आहे. शहाबुद्दीन हे अखिल भारतीय मुस्लिम जमातचे अध्यक्ष आहेत. खरंतर हे प्रकरण 4 मार्च रोजी झालेल्या चॅम्पियन्स ट्रॉफी 2025 च्या भारत विरुद्ध ऑस्ट्रेलिया सेमीफायनल सामन्याशी संबंधित आहे. त्या सामन्यात शमी पेये घेताना दिसला. तेव्हापासून शमीवर टीकाकारांनी टीका केली. (Mohammed Shami Roza Controversy 2025)
आता, एएनआयमार्फत मौलाना शहाबुद्दीन यांनी मोहम्मद शमीच्या वादावर मोठी प्रतिक्रिया दिली आहे. ते म्हणाले की, “इस्लाममध्ये उपवास करणे आवश्यक आहे. जर एखाद्या निरोगी व्यक्तीने जाणूनबुजून उपवास केला नाही तर तो पापाचा दोषी ठरेल. भारतातील लोकप्रिय क्रिकेट व्यक्तिमत्व असलेल्या मोहम्मद शमीने सामन्यादरम्यान पाण्यासारखे पेय घेतले. लोक त्याला पाहत होते. जर तो खेळत असेल तर तो निरोगी आहे हे स्पष्ट आहे.” (Mohammed Shami Ramadan controversy India cricket)
मौलाना शहाबुद्दीन रझवी बरेलवी पुढे म्हणाले की, मोहम्मद शमी निरोगी असूनही त्याने हे पेय घेतले. त्यामुळे लोकांमध्ये चुकीचा संदेश जातो. उपवास न केल्याने त्याने पाप केले आहे. त्यांनी हे करू नये. शरियतनुसार, शमीला गुन्हेगार म्हटले जाईल. (Maulana Shahabuddin Rizvi on Shami fasting)
Md Shami is a criminal for not observing fast during Ramzan and choosing to play for his country over his faith… He has sent the wrong message to the Muslim community.
– President of All India Muslim Jamaat, Maulana Shahabuddin Razvi pic.twitter.com/aNF1u9GE50
— Mr Sinha (@MrSinha_) March 6, 2025
मोहम्मद शमीच्या भावाने, झैदने अखेर या वादावर मौन सोडले आणि स्पष्टीकरण दिले. तो म्हणाला, “रोजा आणि नमाज प्रत्येक मुस्लिमाचे कर्तव्य आहे, परंतु प्रवासासारख्या परिस्थितीत काही सवलती दिल्या जातात.” झैदने शमीवर टीका करणाऱ्यांना प्रत्युत्तर देत म्हटले की, “त्यांना त्यांच्या स्वतःच्या धर्माबद्दल पुरेशी माहिती नाही.” तो पुढे स्पष्ट करतो की इस्लाममध्ये स्पष्टपणे नमूद आहे, की दीर्घ प्रवास करत असताना उपवास सोडण्याची परवानगी दिली जाते.
हेही वाचा-
चाहत्यांसाठी आनंदाची बातमी! माजी भारतीय कर्णधार पुन्हा मैदानात उतरणार, निवृत्तीचा निर्णय मागे
टीम इंडिया कधीही जिंकली नाही रविवारी फायनल, पाहा नकोशी आकडेवारी!
चॅम्पियन्स ट्रॅाफी फायनलनंतर हे भारतीय क्रिकेटर होतील रिटायर, पाहा यादी!
