नवी दिल्ली। भारतीय संघाचा माजी कर्णधार एमएस धोनीने नेहमीच आपल्या क्रिकेट कारकीर्दीत सामान्य माणसासारखे राहायला प्राधान्य दिले आहे. लॉकडाऊन दरम्यान, इतर क्रिकेटपटू अनेक ब्रँडची जाहिरात करताना दिसले तसेच सोशल मीडियावर एकमेकांशी गप्पा मारताना दिसले. यादरम्यान धोनी रांची येथील त्याच्या फार्म हाऊसवर होता.
जेव्हा त्याची पत्नी साक्षी धोनी त्याच्याबरोबर इंस्टाग्रामवर एखादी पोस्ट शेअर करायची, तेव्हाच धोनीबद्दल काहीतरी माहिती मिळत असे. जोपर्यंत तो भारतीय संघाचा कर्णधार होता तोपर्यंत फोनवरून धोनीला संपर्क करणे फार अवघड असायचे, असे धोनीच्या माजी व सोबतच्या संघसहकाऱ्यांनी सांगितले आहे.
आता टीम इंडियाचा माजी वेगवान गोलंदाज आरपी सिंगने मजेशीर खुलासा केला आहे. आरपी आणि धोनी खूप चांगले मित्र आहेत. तो म्हणाला की, “एकदा धोनीने मला वचन दिले होते की तो जेव्हा आंतरराष्ट्रीय क्रिकेटमधून निवृत्त होईल, तेव्हाच अर्ध्या रिंगमध्ये फोन उचलेल.”
क्रिकेट डॉट कॉमशी बोलताना आरपी म्हणाला की, “धोनी हा एक जमिनीशी जोडलेला आणि शांत व्यक्ती आहे. आम्ही नेहमीच तक्रार करायचो की तू आमचे फोन घेत नाही. एकदा त्याने मुनाफ पटेल याला सांगितले होते की, तो जेव्हा आंतरराष्ट्रीय निवृत्त होतील, तेव्हा अर्ध्या रिंगमध्ये त्याचा फोन उचलेल. तो खरोखर निवृत्त झाला आहे की नाही, हे आम्ही आता तपासू.”
तो पुढे म्हणाला, “आम्ही धोनीच्या अतिरिक्त भत्याचा नेहमीच गैरवापर केला, ज्याची कर्णधारांना सवय होत असते. प्रामाणिकपणे सांगायचं झालं तर, क्रिकेटच्या मैदानावर भेटल्यावर जी चर्चा होते, त्यापेक्षा वेगळी चर्चा मैदानाबाहेर होत नाही. आम्ही बर्‍याचदा सामन्यांविषयी व खेळाडूंबद्दलच बोलतो. त्यांच्याबरोबर याबाबतीत बोलताना खूप मजा येते.”
धोनीच्या कारकिर्दीबद्दल बोलताना आरपीने म्हटले की, “जर आपण क्रिकेटच्या इतिहासाबद्दल बोललो, तर धोनीसारखा एखादा खेळाडू शोधूनही सापडणार नाही, ज्याने वेगवेगळ्या क्रमांकावर फलंदाजी करताना बरेच सामने भारतीय संघाला जिंकून दिले आहेत. आपण मायकेल बेवनबद्दल बोलतो, पण धोनी सर्वात वेगळा आहे.”
धोनीने १५ ऑगस्ट रोजी आंतरराष्ट्रीय क्रिकेट कारकिर्दीला राम राम ठोकला. आता तो आयपीएल २०२० म्हणजेच आयपीएलच्या १३ व्या हंगामात चेन्नई सुपर किंग्जचे नेतृत्व करताना दिसणार आहे.
महत्त्वाच्या बातम्या-
-हिंदी येत असूनही इंग्लंडच्या खेळाडूने भासवले येत नसल्यासारखे; ऐकली धोनीची रणनीती, तरीही…
-आश्चर्यम! खेळाडूने षटकार ठोकून स्वतःच्या कारच्या फोडल्या काचा
-मोठी बातमी- सीएसके संघाला धक्का; संघातील सदस्य आढळले कोरोना पॉझिटिव्ह
ट्रेंडिंग लेख-
-‘या’ ३ फलंदाजांची नावं ऐकली की आरसीबीच्या गोलंदाजांना सुटतो घाम, केल्यात सर्वाधिक धावा
-क्रिकेटच्या काळ्या अध्यायाची दशकपूर्ती: २०१० स्पॉट फिक्सिंग प्रकरण
-७० शतकांना गवसणी घालणारा किंग कोहली आयपीएल २०२०मध्ये करू शकतो हे ‘विराट’ विक्रम