रायपूरमध्ये पहिल्यांदाच खेळला जाणार आंतरराष्ट्रीय सामना, जाणून घ्या खेळपट्टी आणि स्टेडियमच्या इतिहासाविषयी

भारतीय संघ सध्या मायदेशात न्यूझीलंडविरुद्ध तीन सामन्यांची वनडे मालिका खेळत आहे. मालिकेतील पहिला सामना शनिवार (21 जानेवारी) रायपूरमध्ये आयोजित केला गेला. रायपूरच्या शहीद वीर नारायण सिंग आंतरराष्ट्रीय स्टेडियमवर हा सामना खेळला जाईल. भारतीय संघ मालिका नावावर करण्याच्या विचारासह शनिवारी या मैदानात उतरेल. तर दुसरीकडे पाहुण्या न्यूझीलंड संघाला मालिकेत बरोबरी साधावी लागेल. रायपूरमध्ये खेळला जाणारा हा पहिलाच आंतरराष्ट्रीय सामना असून भारतीय खेळाडूंना देखील याठिकाणी खेळण्याचा अनुभव नाहीये.

रायपूरचे शहीत वीर नारायण सिंग क्रिकेट स्टेडियमचा इतिहास
शहीद वीर नाराय सिंग आंतरराष्ट्रीय क्रिकेट स्टेडियम (Shaheed Veer Narayan Singh International Cricket Stadium) 2008 मध्ये बांधून पूर्ण झाले होते. पण आतापर्यंत या मैदानावर एकही आंतरराष्ट्रीय सामना खेळला गेला नव्हता. दरम्यानच्या काळात आयपीएल सामने याठिकाणी खेळले गेले, पण त्यांची संख्या देखील खूपच कमी होती. स्टेडियमवर आतापर्यंत एकूण फक्त सहा आयपीएल सामने खेळले गेले आहेत. त्याव्यतिरिक्त रोड सेफ्टी वर्ल्ड सिरीजचे काही सामनेही याठिकाणी आयोजित केले आहेत. भारत आणि न्यूझीलंड (India vs New Zealand) यांच्यात शनिवारी खेळला जाणारा सामना, याठिकाणी आयोजित केलेला पहिलाच आंतरराष्ट्रीय सामना असेल.

गोलंदाजीसाठी अनुकूल असेल खेळपट्टी
शहीद वीन नारायण सिंग क्रिकेट स्टेडियमच्या खेळपट्टीचा विचार केला, तर याठिकाणीही भारतातील इतर मैदानांप्रमाणे फलंदाजां जास्त मदत मिळणार नाही. गोलंदाजीसाठी मात्र याठिकाणी खेळपट्टी अनुकूल असल्याचे पाहायला मिळू शकते. सामना जसजसा पुढे जाईल खेळपट्टी अधिकच संथ गतीची होते. अशात फिरकी गोलंदाजांना याचा विशेष फायदा होईल. वेगवान गोलंदाजही त्यांच्या स्लोअर आणि गोलंदाजीच्या इतर शैलींमुळे विरोधी संघाला स्वस्तात गुंडाळू शकतात.

याठिकाणी खेळल्या गेलेल्या सहा आयपीएल सामन्यांचा एकंतरीत विचार केला, तर संघाकडून उभी केली गेलेली सर्वात मोठी धावसंख्या 164 धावा होती. या सामन्यांमध्ये संघांची सरासरी धावसंख्या 149.6 होती. मात्र, हे आकडे टी-20 फॉरमॅटचे असून भारत आणि न्यूझीलंड यांच्यातील हा सामना वनडे फॉरमॅटमध्ये खेळला जाणार आहे. अशात भारतीय संग या सामन्यात काय कामगिरी करणार याकडे सर्वांचे लक्ष असेल. (The first international match to be played in Raipur, learn about the pitch and stadium)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
ट्रिपल महाराष्ट्र केसरी नरसिंग यादवचा बृजभूषण यांना पाठिंबा; म्हणाला, “हरियाणाच्या कुस्तीपटूंनी कट…”
‘धोनीमुळे आमच्या लीगचे मूल्य वाढेल’, दक्षिण आफ्रिकेच्या दिग्गजाचे ‘माही’विषयी मोठे भाष्य