बरमूडाच्या फ्लोराने रचला इतिहास; महिला ट्रायथलॉन स्पर्धेत देशाच्या क्षेत्रफळापेक्षाही अधिक अंतर कापत जिंकले पहिले 'गोल्ड'

टोकियो ऑलिंपिक २०२० च्या पाचव्या दिवशी (२७ जुलै) झालेल्या ट्रायथलॉन स्पर्धेत बरमूडा देशाच्या महिला खेळाडूने मोठी कामगिरी केली. या स्पर्धेत ३३ वर्षीय फ्लोरा डफीने ग्रेट ब्रिटन आणि अमेरिकन खेळाडूंना धूळ चारत आपल्या देशाला टोकियो ऑलिंपिक २०२० मधील पहिले वहिले सुवर्ण पदक जिंकून दिले. यासह बरमूडा हा ऑलिंपिकमध्ये सुवर्ण पदक जिंकणारा सर्वात छोटा देश ठरला आहे.

तिने ग्रेट ब्रिटनच्या जॉर्जिया टेलर- ब्राऊन आणि अमेरिकेच्या कॅटी झॅफेरसला या शानदार शर्यतीत पराभूत करत आपल्या देशासाठी दुसरे ऑलिंपिक पदक जिंकले. (Tokyo Olympic Bermuda becomes smallest country to win Olympic gold after Flora Duffy’s emotional triathlon triumph)

Golden glory!

Flora Duffy wins the women's #Triathlon – it's #BER's first ever Olympic gold!@WorldTriathlon pic.twitter.com/stRcyD1uoo

— The Olympic Games (@Olympics) July 26, 2021

फ्लोराच्या या कामगिरीने बरमूडा हा टोकियो ऑलिंपिकमध्ये सुवर्ण पदक जिंकणारा लोकसंख्येच्या दृष्टीने सर्वात लहान देश बनला आहे. या देशाची लोकसंख्या जवळपास ७० हजार आहे. याव्यतिरिक्त तिने ट्रायथलॉनमध्ये व्यापलेले अंतर संपूर्ण बरमूडा देशाच्या आकारापेक्षा जास्त आहे.

बरमूडाचे प्रतिनिधित्व करणारी फ्लोराने १५०० मीटर स्विमिंग, ४० किलोमीटरची सायकल चालविणे आणि १० किलोमीटर धावणे, असे एकूण ५१.१ किमीचे अंतर १ तास ५५ मिनिटे ३६ सेकंदात पूर्ण करत महिलांच्या ट्रायथलॉन स्पर्धेत पहिले सुवर्ण पदक जिंकले केले. ही वेळ रौप्य पदक विजेती जॉर्जिया टेलर- ब्राऊन (१:५६:५०) आणि कांस्य पदक विजेती कॅटी झॅफेरस (१:५७:०३) पेक्षा सर्वोत्तम होती.

FLORA DUFFY 🇧🇲 IS OUR NEW OLYMPIC CHAMPION!
What a run from the Bermudian to take the tape by over a minute & win the #Tokyo2020 gold she craved.
Georgia Taylor-Brown 🇬🇧 overcomes a late puncture to earn silver, Katie Zaferes 🇺🇸 with bronze!#Tokyo2020Triathlon #Triathlon pic.twitter.com/dkWQUA8lbB

— World Triathlon (@worldtriathlon) July 26, 2021

डफीच्या यशाचा अंदाज यावरून लावला जाऊ शकतो की, ती आपल्या देशाची पहिली ऑलिंपिकमध्ये सुवर्ण पदक विजेती आहे. यासोबतच इतिहासातील ती केवळ दुसरी पदक विजेती आहे. यापूर्वी बरमूडाने मोंट्रियल ऑलिंपिक १९७६ मध्ये पदक जिंकले होते. ग्रेट ब्रिटन आणि अमेरिकासारख्या मजबूत देशांना पछाडत तिने स्पर्धेत शानदार कामगिरी केली.

सुवर्ण पदक जिंकल्यानंतर डफीने म्हटले की, “हा अनुभव अप्रतिम आहे. सर्व कठीण क्षण, दुखापती आणि अश्रू सहन करणे या आनंदासाठी योग्य होते. मागील एक वर्ष माझ्यासाठी खूपच आव्हानात्मक राहिले आहे. माझ्यावर दबाव वाढत होता. मला खूप आनंद आहे की, मी सुवर्ण पदक जिंकण्याचे आपले स्वप्न पूर्ण करू शकले.”

रियो ऑलिंपिक २०१६ च्या स्पर्धेत अमेरिकेच्या ग्वेन जॉर्जन्सनने सुवर्ण पदक जिंकले होते. यावेळी झॅफेरसने कांस्य पदक जिंकून या खेळातील आपल्या देशाची चांगली कामगिरी कायम ठेवली.

आपल्या आयुष्यातील तिसऱ्या ऑलिंपिकमध्ये भाग घेतलेल्या फ्लोराने रियो ऑलिंपिकमध्ये आठवे स्थान मिळवले होते. मात्र, कठोर मेहनत, दृढ निश्चय आणि कौशल्याच्या जोरावर तिने हार न मानता हा चमत्कार करून दाखवला.

ऑलिंपिकशी संबंधित बातम्या-

-भारतीय पठ्ठ्या चमकला! तिरंदाजीत प्रवीण जाधवने प्रतिस्पर्ध्याला ६-० ने चारली धूळ; मिळवला पुढच्या फेरीत प्रवेश

-टोकियो ऑलिंपिक: पीव्ही सिंधूचा हाँगकाँगच्या प्रतिस्पर्धीवर सहज विजयासह उपउपांत्यपूर्व फेरीत प्रवेश

-हॉकीमध्ये भारतीय महिला संघाला अपयश; सलग तिसऱ्या सामन्यात करावा लागला पराभवाचा सामना